О́skemendegi «Jekpe-jek» sport saraıynda erkin kúresten ótken jasóspirimder arasyndaǵy oblys chempıonatyna Shyǵys Qazaqstan oblysy boıynsha 200-den astam sportshy qatysty. Komandalyq esep boıynsha qyzdar arasynda úzdik bolyp Ulan aýdanynyń sportshylary tanyldy. Olar túrli salmaqta bes medalǵa qol jetkizdi. Al uldar arasynda óskemendikterge teń keler qarsylas bolmady, olar toǵyz medaldy qanjyǵalaryna baılaǵan edi.
Degenmen, jarys qorytyndysynda Semeı qalasynyń balýandary 10 medal ıelenip, birinshi oryndy jeńip aldy. Olardan keıingi tuǵyrǵa óskemendikter jaıǵassa, úshinshi orynǵa Jarma aýdanynyń balýandary taban tiredi.
Kókpekti aýdanyndaǵy Samar aýylynyń namysyn qorǵaǵan jas balýan, «Azııa balalary» halyqaralyq oıyndarynyń kúmis júldegeri, oblystyq jáne respýblıkalyq chempıonattardyń jeńimpazy Shyńǵys Muhamedqalıevtyń aıtýynsha, osy jarysqa qatysýshy órenderdiń árqaısysynyń armany – oblystyń atyn álemge tanytý, baıraqty básekelerde qazaqtyń kók týyn jelbiretý. Sportshynyń ózi osy jolǵy básekede 76 kılo salmaq dárejesinde top jardy.
Endi oblystyń myqty degen jas balýandary Aqmola oblysynyń Shýche qalasynda ótetin respýblıkalyq saıysqa qatysatyn boldy.
Raýshan NUǴMANBEKOVA,
jýrnalıst
О́SKEMEN