Apple korporasııasy syrtqy korpýsy qyp-qyzyl iPhone 7 men iPhone 7 Plus jáne jańa iPad pen beıneqosymsha shyǵardy dep habarlaıdy VVS. Jańa gadjetterdi satý 24 naýryzda bastalady.
Smartfondardyń baǵasy shamamen 1000 jáne 1200 AQSh dollary shamasynda bolýy múmkin.
Kompanııa bıyl 10-shy jyl SPID-pen kúres baǵdarlamasyna qatysyp keledi. Baǵdarlama RED dep atalady. Smartfondardyń qyzyl tústi korpýspen jasalý sebebi osy. Arnaıy serııamen shyqqan qurylǵylardy satýdan túsken aqshanyń bir bóligi Jahandyq SPID-pen kúres qoryna aýdarylady. Dálirek aıtqanda, ol aqsha VICh-ti zertteý, onyń taralýyna tosqaýyl qoıý baǵdarlamasyna berilmek.
iOS-qa arnalǵan jańa beıneqosymshany qoldanyp, smartfon ustaýshylar qysqa klıpterdi ózderi montajdaýyna bolady. Ekinshi jańa gadjet – 9,7 dıýım dıspleıli iPad.
RED baǵdarlamasynyń negizin U2 tobynyń ánshisi Bono qalaǵan bolatyn. Kompanııa málimetine qaraǵanda RED ónimderin satý arqasynda ıgi maqsattar úshin 130 mln dollardan asa qarjy jınalǵan.