Ekeýara kelissózder kezinde О́zbekstan basshysy Shavkat Mırzıeev Qazaqstanǵa saparyn tarıhı dep sanaıtynyn aıtty.
«Siz, Nursultan Ábishuly, ótken jylǵy qyrkúıekte Samarqandqa kelgenińizde Qazaqstan men О́zbekstan qashanda birge bolatynyn aıtqan edińiz. Jaqsylyqty da, qaıǵyny da bólisemiz dedińiz. Bul sózder bizdi jaqyndatty, búkil ózbek halqy naǵyz dos ári baýyrdyń qoldaýyn sezindi. Siz óz dosyńyz, О́zbekstan Respýblıkasynyń birinshi prezıdenti Islam Karımovtiń qabirine arnaıy kelip, qurmet bildirdińiz.
Sol sapardan beri bizde múldem jańasha qarym-qatynas bastaldy. Sońǵy bes aıda bári qaıta bastalǵandaı boldy» dedi О́zbekstan Prezıdenti.
Shavkat Mırzıeev О́zbekstannan kelgen 250 kásipkerdiń Astanadaǵy birlesken forýmǵa qatysatynyn aıtty.
«Bul sizdiń Islam Ábdiǵanıulymen birge qalaǵan irgetasty bekite túsetin bolady. Bul kópir bekı túsetin bolady. Biz qashanda Qazaqstandy eń jaqyn, eń senimdi dos dep sanaımyz. Alǵashqy saparymyzdyń birinde Astanada otyrǵanymyz da kóp nárseni bildiredi. Tarıhı tamyrymyz, búgingi kúnderimizden habar beredi. Biz keshe kelissózderdi bastadyq. Búgin bolashaq qarym-qatynasymyz týraly sóz bolady. Birinshi ret delegasııamyzben parlament jetekshileri, qorǵanys mınıstrliginiń jetekshileri kelip otyr. Bul vedomstvolar arasynda buryn mundaı tyǵyz qarym-qatynas bolǵan emes» dedi Mırzıeev.
О́zbekstan Prezıdenti bul sapardy tarıhı sapar dep sanaıtynyn aıtty. «О́tken jyly álem úshin tarıhı qubylys boldy. Qazaqstan BUU Qaýipsizdik Keńesine saılandy. Bul búkil Ortalyq Azııa múddesi sizdiń jetekshiligińizben qorǵalatynyn bildiredi. BUU-daǵy eki jyldyq turaqty emes múshelik kezinde Aýǵanstan boıynsha sharalar qabyldanady dep senem. Bul sizdiń bastamalaryńyz. О́zbekstan qashanda munyń bárin qoldaıdy. Biz bárimiz sizdiń bastamalardy qoldaımyz dep oılaımyn» dedi Shavkat Mırzıeev.
Mırzıeev Nursultan Nazarbaevty ózine yńǵaıly kez kelgen ýaqytta О́zbekstanǵa kelýge shaqyrdy. «Biz jıi kezdesip turýǵa kelistik. Sizdi О́zbekstan qýana kútem» dedi ol.