Bızneske kepildik tegin beriledi. Bul týraly Májilistegi Úkimet saǵatynda Ulttyq ekonomıka mınıstri Tımýr Súleımenov málimdedi.
«Alǵash ret kásipkerlik qyzmetti shaǵyn nesıeleý memleket tarapynan kepildendirildi, ol halyqty jumyssyz halyqty kepildendirý men halyqty tıimsiz jumyspen qamtý máselesin sheshý bolyp tabylady», - dedi T.Súleımenov.
Onyń aıtýynsha, kepildendirý shaǵyn nesıeleý qunynan 50 paıyzǵa deıin beriledi, al jas kásipkerlerge 85 paıyzǵa beriledi.
«Memleket tarapynan garant retinde «Damý» AQ, aýyldyq jerde «QazAgroGrant» AQ jumys isteıdi. Kásipker quldyraýǵa ushyrasa onyń negizgi qaýpi kepildendirý garantyna túsedi. Memleket kepildiktiń 30 paıyzyn óteıdi. Bul operatorlardy tıimsiz jobalardy almaýyn yntalandyrady. Bızneske kepildik tegin beriledi», - dedi T.Súleımenov.
Mınıstr aıtyp ótkendeı, shaǵyn nesıelerdi kepildendirýge qalalarda 1,2 mlrd teńge, aýylda 2,8 mlrd teńge qarastyrylǵan.
«Bul ádister 14500 jobany qarjylandyrýǵa múmkindik beredi. Ol 1220 jobany kepildikti qamtamasyz etedi. Oǵan qosa, basymdyqty túrde kásipkerlerdiń start-ap jobalaryn qaraı beredi», - dedi T.Súleımenov.
Aıta keteıik, eldiń ekonomıkalyq belsenji bóligin 8,9 mln adam quraıdy. Onyń ishinde 6,3 mln jaldanǵan jumyskerler, 2,1 mln ózin-ózi qamtyǵandar, 441 myńy jumyssyz halyq. Halyqtyń ortaq sanynan shaǵyn jáne orta bızneste 3 mln adam isteıdi. О́tken jyldyń qorytyndysy boıynsha ShOB-tiń árekettegi sýbektiler sany 1,1 mln birlikti qurady, olar 9 aıda 11,2 trln teńgeniń ónimin shyǵardy. Shaǵyn jáne orta bıznes úlesi JIО́-de 24,9 paıyzdy qurady. Memleket basshysy osy kórsetkishti 2050 jylǵa qaraı 50%-ǵa deıin jetkizý mindetin qoıdy. Álemdik statıstıkaǵa sáıkes álem halqynyń 12%-ynda ǵana bıznespen aınalysý daǵdysy bar.