2015 jyly eldegi iri bıznes 900 mlrd teńge shyǵyndalsa, 2016 jyly bul kórsetkish kerisinshe 6,4 trln teńge tabys bolyp kirdi, dep habarlaıdy finprom.kz.
Osylaısha, ınflıasııaǵa qaramastan, iri jáne orta bıznes óz tabystaryn qaıta qalpyna keltire bastady. Atalǵan kórsetkish 2009-2010 jyldardaǵy daǵdarystan keıingi 2011 jylǵy tabyspen teń.
Jalpy, ótken jyl bıznes úshin paıdaly boldy. Tipti shaǵyn kásiptiń ózi 2 trln teńge tabys tapty. Al 2015 jyly shaǵyn kásip jyldy “mınýspen” aıaqtaǵan edi.
Alaıda, tabystyń kóbeıýi naqty qarjylyq tabys tapqan belsendi iri jáne orta bıznestiń ortasha sanyna baılanysty bolyp tur. 2016 jyly munaı bıznes sany 4 myń bolsa, bul 2015 jylǵy kórsetkishten 41 paıyzǵa az.
100 adamnan artyq jumys isteıtin kásiporyndardyń tabys tapqanynyń sany 2016 jyly 36 paıyzǵa azaısa, shyǵynǵa ushyraǵany 48 paıyzǵa tómendedi. Degenmen, salystyrmaly túrde paıda tapqan kásiporyn sany shyǵyndalǵanǵa qaraǵanda kóbirek. Olardyń sany tıisinshe, 2,6 myń jáne 1,5 myń.
Jalpy, iri jáne orta bıznestiń jalpy jyldyq tabysy 2016 jyly 40 trln teńgege jetti. Sonyń ishinde negizgi tabys tabýshylar satý men qyzmet kórsetý salasyndaǵylar.