Ulttyq akademııalyq kitaphana qoryna qypshaq eskertkishine jatatyn kóne qoljazbanyń elektrondy nusqasy jetkizildi. Bul týraly Ulttyq kitaphananyń dırektory Úmithan Dáýrenbekqyzy habarlady.
1618 jyly basylyp shyqqan «Alǵysh bitik» dep atalatyn bul kóne shyǵarmanyń jalǵyz danasy osy Armenııanyń ulttyq kitaphanasynda saqtaýly. Armıan əlipbıinde arab jazýyndaı emes, daýysty, daýyssyz dybystar tolyq tańbalanyp otyrýy sebepti, qypshaq tiliniń ózindik dybystaryn belgileýde asa bir dybystyq ózgerýshilikke ushyraı qoımaǵan. Armıan-qypshaq eskertkishteri jáne túrki muralaryn zerttep júrgen ǵalymdar qoljazbany qypshaq tilinen qazirgi qazaq tiliniń qalpyna túsiretin bolady. Jalpy, armıan jazýly qypshaq eskertkishterin zertteý Qazaqstanda ǵana emes, ərisi əlemdik túrkologııada, berisi Keńes Odaǵynda kenje qalyp kele jatqan ǵylym salasy.
Taldybek Nurpeıis, Ulttyq kitaphananyń ǵalym-hatshysy:
– «Qobylandy batyr» jyrynda «92 baýly qypshaǵym» dep keletin joldar bar. Qoljazba týraly qandaı da bir ǵylymı qorytyndy aıta almaımyz. Armıan jazýly qypshaq eskertkishterinde ne jazylǵanyn biletin bolsaq, talaı tarıhymyzdyń jyrtyǵy jamalǵan bolar edi. Jalpy, Armenııada saqtalǵan eski qujattardan derekter jınaýǵa álem ǵalymdary qulshynyp otyr. О́ıtkeni, qoljazba qorynda orta ǵasyrǵa jatatyn 17 myńnan astam kóne qujat, 3 myńnan astam qundy derek saqtalǵan».
Kitaphana basshysy Úmithan Dáýrenbekqyzynyń aıtýynsha, Matenadarandaǵy kóne qoljazbalar jer astyndaǵy arnaıy zalda saqtalady, aýa temperatýrasy 7 gradýs. Oqýǵa berilgen qoljazbany qaıtadan ornyna qoımastan buryn arnaıy laboratorııada tazalaýdan ótkizedi.
«Qazaqstandaǵy armıan dıasporalary kelip, málimet izdeýine barynsha múmkindik jasap otyrmyz. Armıan ulttyq kitaphanasy ózderine túsken jańa kitaptardy bizdiń qorǵa berýge ázir», degen kitaphana basshysy, bir ortalyqtan basqarylatyn aýdarma júıesin qurý kerektigine de toqtalyp ótti:
«Qazir kitaptardy árkim óz bilgeninshe aýdaryp, túrli baspahanadan shyǵyp jatyr. Osy isti bir júıege negizdep, aýdarma ortalyǵyn ashýdy oılastyrýdamyz. Bul usynysymyzdy Mádenıet jáne sport mınıstrligi de qoldap otyr».
Qazaqstan men Armenııa arasyndaǵy mádenı baılanystar eki el prezıdentteriniń bastamalary boıynsha 2006 jyldyń qarashasynda Astanada qol qoıylǵan Qazaqstan Respýblıkasynyń Ykimeti men Armenııa Respýblıkasy Úkimetiniń mádenıet salasyndaǵy yntymaqtastyq týraly kelisimimen bekitilgen bolatyn.
Aıa О́mirtaı,
«Egemen Qazaqstan»