Deldaldy azaıtyp, tarıfti tómendetetin qujat

Májilis Tóraǵasy Nur­lan Nyǵmatýlın jetekshilik et­ken jıynda elimizdiń ener­getıka salasyn retteý­di kózdeıtin zań jobasyn Ener­getıka mınıstri Qanat Bo­zym­baev tanystyrdy. Baıan­dama aldynda aıtqan alǵy­sózinde Májilis Tóraǵasy atal­ǵan zań jobasy Memleket bas­shysy jarııa­laǵan Ult jos­parynyń 51-qa­damyn oryn­daý maqsatynda ázirlen­gen­digin tilge tıek etti.

«Bul saladaǵy túıindi tar­­qatý tetigi eki júıege negiz­delgen desek, onyń biri – ener­gııa jetkizýshi uıym­dar­dy irilendirý de, ekin­shisi – elektr energııasyn tó­men tarıfpen turǵyndarǵa taratý bolyp otyr. Osy oraı­da joǵaryda atalǵan eki júıeniń alǵashqysyn qolda­nystaǵy zańymyz retteı al­maǵanyn ashyq aıtýymyz kerek. Eger zań jobasyn jasaýshy múddeli mekemeler men taraptar arasynda qyzý áriptestik ornaǵan bolsa, sapaly zań daıyndalady. Onyń qarapaıym ǵana kórinisi sa­ladaǵy deldaldardyń azdy­ǵynan jáne tarıftiń tómen­diginen baıqalady. Biz qazirgi kúrdeli máseleni osyndaı qarapaıym ǵana formýlamen sheshýge tıispiz», – dedi N.Nyǵmatýlın.

Sodan keıin sóz alǵan Ener­getıka mınıstri Q.Bo­zym­baev zań jobasynyń tujy­rym­damasy energııa jet­­ki­zýshi kompanııa­lardy irilendirýge baǵyt­tal­ǵan­dyǵyn atap ótti. Onyń túsin­dirýinshe, mundaı qadam ener­gııamen jabdyqtaýdyń senim­diligin arttyrýǵa jáne elektr energııasyn berý shy­ǵyndaryn azaıtýǵa múm­kin­dik beredi. Sondaı-aq, mınıstr bul zań jobasynyń jer­gilikti atqarýshy organ­dar­dyń usynǵan málimet­terine sáıkes, óńirlerde 2 110 shaqyrymǵa sozylatyn qa­raýsyz qalǵan jeli men 631 ıesiz transformatorlyq qo­salqy stansalardyń máse­le­sin sheshýdi kózdeıtinin jet­kizdi.

«Bul zań jobasynyń mańyz­dy qyry bolyp tabyla­dy. Atalǵan jeli sanat­taryn energııa jetkizýshi uıym­dar­dyń balansyna berý men olardy tıisti deńgeıde kútip, ustalýyn jáne sapaly qyzmet kórsetilýin uıym­das­tyrý kózdelýde. Sonymen qatar, qujat aıasynda energııa jetkizýshi uıymdardy iri­lendirýge yntalandyra­tyn negizgi tetik elektr ener­­gııasyn berý qyzmetine talap­­tar belgileý. Al ondaı júıeni kezeń-kezeńimen engizý usynylady. Aıtalyq, eger energııa jetkizýshi uıym ıesiz qalǵan elektr jelilerin qabyldaǵan jaǵdaıda korpo­ra­tıvtik tabys salyǵy men múlik salyǵynan bosatylady jáne tabıǵı monopolııa­lar salasyndaǵy zańnamada kóz­delgen tyıym salý alyp tas­talady», – dedi Q.Bozym­baev.  

Mınıstrdiń baıandaýynsha, máseleni sheshýdiń bas­ty joly retinde jelilerdi tú­gen­deýden ótkizý qarasty­ry­lýda. Bul úshin zań aıasyn­da jergilikti atqarýshy organ­dar sot arqyly ıesiz qal­ǵan obektilerdi óz balan­syna alyp, odan keıin óńir­lik jelilik kompanııalar­dyń balansyna beredi. Son­daı-aq, zań jobasynda elek­tr energııasyn berý qyz­metine qoıylatyn talap­tardy saqtamaǵany úshin jaý­ap­ty­lyq belgileý, erekshe paıda­laný sharttary bar elektr jeli­leriniń kúzet aımaǵyn aıqyn­daý, turǵyn úı keshen­derin salýshylardyń balan­syn­daǵy elektr jelilerin maman­dandyrylǵan energııa jet­kizýshi uıymdarǵa berý rásimi men onyń tárti­bin naq­tylaý jáne energe­tı­ka­lyq uıymdardy irilen­di­rýge nemese biriktirýge yn­ta­landyrýdyń tetikterin keńeı­týdi kózdeıtin túzetý­ler engizilgen.

Jalpy otyrysta ha­lyq qalaýlylary tarapynan oń baǵasyn alǵan qujat­tyń biri – «Qazaqstan Respýb­lı­kasynyń keıbir zańnamalyq aktilerine zııatkerlik menshik cala­syndaǵy zańnamany jetil­dirý máseleleri boıynsha ózgerister men tolyq­ty­rýlar engizý týraly» zań jobasy boldy. Atal­ǵan taqyrypta baıandama jasaǵan Ádilet mınıstri Marat Beketaev qujat eli­miz­diń Dúnıejúzilik saýda uıy­myna jáne Eýrazııalyq ekonomıkalyq odaqqa mú­shelikke kirýine oraı, Qazaq­stan men Ekonomıkalyq yn­tymaqtastyq jáne damý uıymy elderiniń patenttik zańnamasyn úılestirýge ba­ǵyttalǵandyǵyn atady. So­nymen qatar, zań jobasy saraptama uıymy men avtor­lyq quqyqtardy ujymdyq basqarý jónindegi uıymdar qyzmetiniń ashyqtyǵyn artty­rýdy jáne zııatkerlik men­shik obektilerine qu­qyq­­tardy qorǵaý men saqtaý úr­dis­terin jetildirýdi kózdeıdi.

Jalpy, el ekonomıkasyn jedeldetilgen teh­nolo­gııa­lyq jańǵyrtý maq­satynda ınnovasııany óndiris­te qoldaný asa ózekti ekendigin eskertken Májilis Tóraǵa­sy Memleket basshysy óz málim­demeleri arqyly ǵylymı ázirlemelerden praktıkalyq tıimdilikke jetýdi mindettep otyrǵandyǵyn da jetkizdi.

«Al otandyq bıznes osy ázirlemelerdiń negizin­d­e básekege qabiletti ónim­derdi naryqqa shyǵarýy kerek. In­novasııalyq jańalyq­tardy óndiriste qoldaný Elbasy Joldaýynda aıtylǵan ekonomıkany jedeldetilgen tehnologııalyq jańǵyrtýdy júzege asyrýǵa múmkin­dik beredi», – dedi N.Nyǵ­ma­týlın.

Májilis depýtattary osy kúni áleýmettik qamsyz­dan­dyrý máselelerine arnalǵan, so­nymen birge ba­lanyń quqyq­taryn qor­ǵaý jónindegi fýnk­sııalar­dy júzege asyra­tyn uıym­dardyń qyzmet­tik máseleleri boıynsha mańyzdy zań jobalaryn ju­mysqa qabyldady. Otyrys sońynda birqatar halyq qalaý­lylary tıisti memlekettik organdar basshylaryna depýtattyq saýaldaryn joldady.

Nurlybek DOSYBAI,

«Egemen Qazaqstan»