Jekpe-jek bastala salysymen Batyr qarsylasyn qyspaqqa alýmen boldy. Úshinshi raýndta-aq jekpe-jekti aıaqtaýy múmkin edi, biraq kórermender úshin jáne qarsylasy úshin bokstasýǵa múmkindik berdi.
Jetinshi raýndqa deıin Batyr únemi shabýylda boldy. О́z kezeginde Kosme Rıvera da qarap qalmady, reti kelgende qarsy shabýylda jaqsy soqqylar jasady. Degenmen, jetinshi raýndta Batyrdyń serııaly soqqysyna shydaı almaı taǵy bir nokdaýn aldy. Osydan keıin tóreshi jekpe-jekti toqtatýǵa májbúr boldy. Sóıtip, Batyr «777» karerasynda tuńǵysh belbeýin ıelendi.
«Bul meniń armanym bolatyn. Mine, tynbaı eńbektengenimniń arqasynda armanym júzege asyp jatyr. Álemdik deńgeıdegi chempıondyqqa taǵy bir sátti qadam jasaǵanyma qýanyshtymyn. Barsha jankúıerlerime, maǵan kómegin tıgizgen jandarǵa alǵysymdy bildiremin», – dedi Batyr Júkembaev jekpe-jek sońynda.