Túrki akademııasy xalyqaralyq uıymynyń (TWESCO) basshysy Darxan Qydyráli Ystambulda Halyqaralyq "Túrki álemine qyzmet" syılyǵymen marapattaldy, dep habarlady uıymnyń baspasóz qyzmeti.
"Jibek joly" strategııalyq zertteý ortalyǵy men "Jibek joly" jýrnaly tarapynan taǵaıyndalǵan júlde "Jyldyń úzdik adamdaryn marapattaý" keshinde tabys etildi.
Saltanatty sharaǵa Túrki áleminiń on memleketinen kelgen kórnekti tulǵalar, qoǵam jáne mádenıet qaıratkerleri men zııaly qaýym ókilderi qatysty.
D.Qydyráliniń marapatyn uıymdastyrýshylar TWESCO-nyń turaqty jaýapshy xatshysy A.Kesikbaevqa tabys etti.
Aıta ketý kerek, bıyl 13-shi ret ótkizilgen saltanatty keshte jyl boıy qoǵamnyń túrli salalarynda eren eńbegimen, eleýli jetistikterimen kózge túsken qaıratkerler birneshe nomınasııalar boıynsha marapattalady.