Zardap shekkenderge kómek kerek

«Qurmetti Baqytjan Ábdiruly! Búgingi kúni Qazaqstan­nyń birneshe óńiri sý qursaýynda qalyp otyr. Resmı aqparatqa sáı­kes, elimizdiń or­talyq jáne sol­tústik óńirlerinde sý tasqyny 11 sáýirden bastap be­leń aldy. Aq­mola, Aqtóbe, Qara­ǵan­­dy, Qos­tanaı, Pavlodar, Sol­tús­­tik Qa­zaq­stan oblystarynyń bir­­qatar eldi me­kenderi men jolda­ryn kóktemgi qarǵyn sý shaıyp kete jaz­dady. 

Keıbir otandastarymyz úıi­nen, bar jıǵan-tergeninen aıyryl­sa, bes myńnan astam úı qo­jalyqtary qulaý aldynda tur. Jer­gilikti atqarýshy bılik pen qu­zyrly memlekettik organdar jyl basynan bastap depýtattar al­dynda tasqyn sýdyń aldyn alý sharalaryna qyrýar qarjy bó­lýdi suraıdy. Alaıda, jyl saıyn osyndaı jaǵdaı qaıtalanyp, qap­taǵan qarǵyn sý biz úshin úı­ren­shikti tótenshe jaǵdaıǵa aınaldy. Tótenshe jaǵdaı bastalǵannan be­ri Aqmola oblysyna qarasty At­basar qalasynda 454 úı sýǵa ketip, 1379 adam kóshirilgen, Soltústik Qazaqstan oblysynda 400-den astam úı sý astynda qalý qa­terinde, Aqtóbe oblysynda 500-den astam turǵyn úı sý astynda qalǵan.

Al quzyrly memlekettik or­­gandar bolsa, osyndaı jaǵ­daı Aqmola, Aqtóbe, Qara­ǵan­­dy, Qostanaı, Jambyl ob­lys­ta­ryn­daǵy sý qoımalaryna tasqyn já­ne erigen qar sýy tolassyz aǵyp ke­lýine baılanysty aǵyzatyn sý­dyń mólsherin sál qosý qajet bolýy sebebinen eldi mekender men avtojoldardy sý basty dep qoldaryn qýsyryp otyr. Endigi bizdiń saýalymyz. Nelikten osy kúnge deıin quzyrly organdardyń jaýapty qyzmetkerleri óziniń ká­sibı sheńberiniń tarlyǵyn ta­bı­ǵı kataklızmderimen jasyryp ke­ledi? Olardyń jaýap beretin kú­ni kele me?

Ádilettik úshin atap ketýimiz de kerek, búgingi tańda Tótenshe jaǵ­daılar komıtetiniń azamattary óz boryshyn adal oryndap ke­ledi. Biraq zardap shekken tur­ǵyndardyń mıllıondaǵan shy­ǵynyn kim óteıdi? El aman, ju­rt ty­nyshta mundaı jaǵdaıǵa jer­gi­likti bıliktegi azamattar qalaı jol bergen?

Sondyqtan, otandastarymyzdy tolǵandyratyn eki másele tý­yndap otyr. Birinshiden, qı­yn jaǵdaıǵa dýshar bolǵan jer­les­terimizge Úkimet tarapynan qan­daı járdem kórsetiledi? Ekin­shi­den, mundaı jaǵdaı qaıta oryn al­mas úshin Úkimet qandaı sharalar qolǵa almaqshy?

Qurmetti Baqytjan Ábdiruly, jo­ǵaryda baıandalǵandy já­ne qoz­ǵalǵan máselelerdiń mańyz­dy­lyǵyn eskere otyryp, osy saý­al boı­ynsha tıisti sharalar qa­byl­daý­yńyzdy suraımyz».