Ispanııanyń «Real Madrıd» fýtbol klýby men Brazılııa quramasynyń qorǵaýshysy Marselo Almatyda fýtzaldan ótetin ÝEFA kýbogynyń tórttik fınalynda synǵa túsetin almatylyq «Qaırat» klýbyn qoldap, óziniń Instagram paraqshasynda beıneúndeý joldady.
«Sálem, meniń atym Marselo. Men fýtzaldan ÝEFA kýbogynyń tórttik fınalynda almatylyq «Qaırat» fýtzal klýbyna jankúıer bolamyn. Siz she? Alǵa, «Qaırat», – deıdi Marselo.
Álemniń úzdik qorǵaýshylarynyń biri Marselo men Qazaqstan Ulttyq quramasy jáne «Qaırat» klýbynyń qaqpashysy Igıta ekeýi jaqyn dos. Marselo 2015 jyly Portýgalııada ótken ÝEFA kýbogynyń tórttik fınalynda da «Qaırat» fýtzal klýbyn qoldap, Lıssabonǵa arnaıy barǵan bolatyn.
Aıta keteıik, brazılııalyq qorǵaýshy fýtboldaǵy karerasyn toǵyz jasynda fýtzaldan bastaǵan.
Álı BITО́RE,
«Egemen Qazaqstan»