Atys nátıjesinde polıseılerdiń biri qaza tapsa, taǵy ekeýi jaralandy. Al shabýyl shasaýshy lańkestiń ózi sol jerde jaraly polıseı qolynan qaza tapty. Qazaqstanda tyıym salynǵan "DAISh" terrorlyq uıymy lańkestik áreketti óz moıyndaryna alyp otyr. Shabýyl jasaǵan adam buryn da radıkal-ıslamıst retinde tártip saqshylarynyń kózine túsken eken.
Parıj prokýrory Fransýa Molenniń aıtýynsha, lańkestiń kim ekeni anyqtaldy. Degenmen, onyń sybaılystarynyń bar-joǵy anyqtalmaıynsha, naqty aty-jóni jarııalanbaıdy.
Tártip saqshylary lańkestiń Parıjdiń shetinde turǵan úıine tintý jasap, terrorlyq árekettiń jasalatynyn taǵy kimderdiń bilgen bolýy múmkin ekenin tekserýde.
DAISh-tyń taratqan málimdemesinde lańkestiń belgııalyq Ábý-Júsip ekeni aıtylady.
Al fransııalyq BFMTV telearnasynyń aqparatynsha, lańkes 39 jasar Fransııa turǵyny. Shabýyl jasamas buryn ol Telegram jelisi arqyly óziniń nıetin jarııalaǵan.
Resmı derekkózdiń málimetine súıensek, lańkestiń tastap ketken kóliginen onyń qujattary tabylǵan. Biraq naqty málimet ázirge berilmeıdi.
Arnaıy qyzmettiń taratqan málimetinshe, lańkes 2005 jyly da eki polıseıge shabýyl jasap, úsh bap boıynsha aıyptalǵan.
Fransııa prezıdenti Fransýa Olland bul oqıǵanyń terrorlyq áreket ekenin aıtty.
Kýágerler lańkestiń Kalashnıkov qarýymen atqanyn kórgen.
Bir polıseıdi óltirgennen keıin lańkes qashýǵa árekettenip júrip taǵy eki tártip saqshysy men kezdeısoq ótip bara jatqan bir adamdy jaralap, aqyrynda jaralanǵan polısııa qyzmetkeriniń qolynan qaza tapty.
BBC-diń habarlaýynsha, Elıseı alańy lańkestik áreketter uıymdastyrylý múmkindigi joǵary jerlerdiń biri. О́ıtkeni, bul jerde bir mezgilde júzdegen qala turǵyndary men týrıster serýendeıdi.
Esterińizge sala keteıik, aldaǵy jeksenbide Fransııada prezıdenttik saılaýdyń birinshi kezeńi ótpek.
Bul jolǵy prezıdenttik saılaýda Fransııa memleket basshylyǵynan úmitkerlerdiń barlyǵynyń saılaýaldy baǵdarlamalarynda radıkaldy ıslam qaýpinen saqtanýǵa basymdylyq berilgen. Frans press agenttiginiń málimetinshe, 2015 jyldan beri Fransııada radıkaldy ıslam lańkesteriniń qolynan 238 adam qaza tapqan. Al sońǵy eki jylda bul elde terrorlyq áreketter tipti kóbeıip ketken.