"Sońǵy bes jyl boldy, Astanany damytýǵa arnalǵan otyrystarda maǵan qalada aqyldy baǵdarshamdar ornatylatynyn aıtyp keledi. Qaıda ol baǵdarshamdar? Bizdegi kólik keptelisine qarańyzdar. EKSPO kezinde ne bolady? Adamdar mıllıondap keledi. Kim saralady osyny? EKSPO mańyzdylyǵyn túsinesińder me, bizdiń bedelimizge ne bolady, meımandar kórmede emes, kóshede - kepteliste tursa?! Qazirden bastap, ózge qalalar qandaı sharalar qoldanatynyn zertteýimiz kerek. Tokıo, London, Eýropa qalalaryndaǵy keptelister qalaı sheshimin taýyp jatyr. Sondyqtan máseleni sheshińder", - dedi Elbasy.
Memleket basshysynyń aıtýynsha, tıimdi trafık pen tıimdi qozǵalys júıesi basqa qalalarmen salystyrǵanda, ozyq bolýy tıis.
"Ol úshin biz IVECO-nyń 380 avtobýsyn satyp aldyq. Olardyń árqaısysy 120 mıllıon teńge turady. Qazir olardy júrgizetin adam joq ekeni anyqtaldy. Biliktiligi bar júrgizýshi joq. Daıyndaý jáne oqytý jumystarymen eshkim aınalyspaıdy. Bul osy avtobýstardy satyp alý kelisimsharttarynda kórsetilýi tıis edi. Avtobýstarǵa qyzmet kórsetetin ortalyqtar joq", - dedi N. Nazarbaev.
О́z kezeginde Astana ákiminiń orynbasary Sergeı Horoshýn bul másele nazardan tys qalyp ketkendigin moıyndady.
"Rasynda, júrgizýshiler boıynsha jumysty kezinde eskermedik. Qazir ol olqylyqty túzetip jatyrmyz. Alǵashqy 30 avtobýs keldi, 200 júrgizýshi oqytyldy. Apta saıyn 80 avtobýstan jetkizilip otyrady. EKSPO kórmesine deıin 380 avtobýs tolyq elordada bolady", - dedi Astana ákiminiń orynbasary Sergeı Horoshýn.
"Qazir asyǵyp, neshe túrli júrgizýshilerdi avtobýsqa otyrǵyzyp qoımańdar, kóshede adam qaǵyp júrmesin. Osyny qolǵa al!", - dedi Prezıdent Horoshýnǵa qaratyp aıtqan sózinde.
О́z kezeginde Áset Isekeshev Elbasyna kólik ınfraqurylymy jaıynda baıandady.
«Áýejaıdyń jańa termınaly men temirjol vokzaly ýaqytyly paıdalanýǵa beriledi. QR Investısııalar jáne damý mınıstrligi barlyq qajetti qosymsha poıyzdardy, áýe reısterdi pysyqtady. Úkimettiń qoldaýymen avtobýstar satyp alyndy. 110 avtobýsty halyqaralyq delegasııalarǵa bóldik. 167 avtobýsty shattl-bastyń 7 baǵdaryna jiberemiz, ıaǵnı bul arnaıy ekspresster meımandardy EKSPO aýmaǵyna tasymaldaıdy. Sonymen qatar «Astana taksı» qyzmeti quryldy», - dedi ákim.
Onyń sózine qaraǵanda, EKSPO-qalashyǵy aýmaǵyna keletin kólikter turaqtarmen qamtamasyz etiledi.
«Qaýipsizdik boıynsha osynda arnaıy komıssııa jumys isteıdi. Qala tarapynan biz ahýaldyq ortalyqty qurdyq. Onda qaladaǵy barlyq qyzmetter qamtylady. 3 myń beıne kamera barlyq qajetti oryndardy qamtyp, atalǵan ortalyqqa málimetterdi beredi», - dedi Isekeshev.
Munymen qosa ol kórme kezindegi medısınalyq kómek boıynsha QR Densaýlyq saqtaý mınıstrligimen pysyqtalǵanyn jetkizdi. EKSPO aýmaǵynda 7 medısınalyq pýnkt jumys isteıtin bolady, al qala aýmaǵynda 13 medısınalyq mekeme daıyndaldy.