Kaspıı teńizinde ornalasqan Qashaǵan kenishinde munaı óndirý kólemi táýligine 370 myń barrelge jetetin bolady, dep habarlaıdy «Qazmunaıgaz» UK» AQ baspasóz qyzmeti.
Kommersııalyq maqsattaǵy munaı óndirý týraly sheshim 2016 jyldyń 1 qarashasynda jarııalanǵan bolatyn. Qazirgi tańda teńiz jáne jerde ornalasqan keshenderdegi qurylǵylardy iske qosý jalǵasýda. Munaı óndirý isi qaıta qolǵa alynǵaly beri 2 mln tonnadan astam munaı men 1 mlrd tekshe metr gaz óndirildi. Munaı óndirý kólemin 2017 jyly táýligine 370 myń barrelge jetkizý úshin gazdy keri aıdaıtyn eki kompressor iske qosylmaq. Munaı óndirý isin odan ári kóbeıtý maqsatynda gazdy keri aıdaý qýattaryn keńeıtýge baǵyttalǵan jobalar júzege asyrylady. Osy kezde atalǵan jobanyń ońtaıly tujyrymjamasyn qabyldaý jumystary júrip jatyr.