Qazaqstannyń Qyzyl jarty aı qoǵamy Pavlodarda sý tasqynynan zardap shekken qazaqstandyqtarǵa gýmanıtarlyq kómek kórsetý aksııasyn jarııalady, dep habarlaıdy «QazAqparat».
Aksııa barysynda jınalǵan qarajatqa zardap shekken azamattarǵa qajetti zattar alýǵa jumsalady. Kómek qarjylaı aqsha aýdarý túrinde de, azyq-túlik, jeke gıgıena zattary, JJM túrinde de qabyldanady.
«Qazirgi tańda barlyq qazaqstandyqtar adamzattyń tabıǵı apattyń aldynda qaýqarsyz ekendigine kýá bolyp otyr. Sonyń ishinde, Pavlodar oblysy da bar. Bizdiń Aqtóbe, Qaraǵandy jáne Aqmola oblysyndaǵy otandastarymyz zardap shekti. Qıyn jaǵdaıǵa tap bolǵan halyq bizdiń qoldaýymyzǵa zárý. Zardap shekkenderdiń qaıǵysyna ortaqtasyp, Pavlodar jáne Pavlodar oblysynyń turǵyndaryn kómek kórsetýge shaqyramyz», - dedi Qyzyl jarty aı qoǵamynyń Pavlodardaǵy bólimshesiniń basshysy Gúlnár Isaqanova.