Bıznes bastaǵysy kelgen áıelderge kómek kórsetip, otbasylyq tárbıe máselelerin qolǵa alǵan klýb músheleri ashylǵan az ýaqyttyń ishinde 20-dan astam áıel azamatyna zańdyq keńester men psıhologııalyq qoldaý bildirgen. Sonymen qatar, mádenı-kópshilik is-sharalardy uıymdastyrýǵa uıytqy bolyp, urpaqtar sabaqtastyǵyn jandandyrýda.
Máselen, isker hanymdar «Áıelge súıispenshilikpen» atty aksııa uıymdastyryp, onda múmkindigi shekteýli jáne áleýmettik jaǵynan az qamtamasyz etilgen áıel azamattaryna dastarhan jaıyp syı-sııapat jasady jáne 30 anaǵa Astana qalasynda ótetin EKSPO-2017 halyqaralyq mamandandyrylǵan kórmesin tamashalap qaıtý úshin bıletter tartý etti.
Bul sharany taǵdyrdyń taýqymetin tartqan názik jandylarǵa qýanysh, áıel baqytyn syılaý maqsatynda uıymdastyryp otyrmyz, deıdi qoǵamdyq uıym músheleri.
«Syrǵalym» kóshbasshy qoǵamdyq qory alǵa - erler men áıelderdiń kútiletin ómir súrý uzaqtyǵynda genderlik alshaqtyqtardy joıý, otbasyn josparlaýdy qosa alǵanda, olardyń densaýlyǵyn qorǵaý úshin qajetti jaǵdaılardy qamtamasyz etý, qyz-kelinshekter men analardyń quqyqtary men múddelerin qorǵaýdy qamtamasyz etý, qoǵamnyń rýhanı-adamgershilik qundylyqtaryn arttyrý jáne óskeleń urpaq tárbıesin kúsheıtý syndy mindetterdi qoıyp otyr.