Emhanaǵa mindetti áleýmettik medısınalyq saqtandyrý boıynsha jappaı tirkelý densaýlyq saqtaý qyzmetkerleri tarapynan júrgizilgen túsindirý jumystarynyń nátıjesinde qol jetkizilip otyr. Sala mamandary osy sońǵy eki aptada aýla aýlalardy aralap 500 myńnan astam turǵyndy qamtyǵan kezdesýler ótkizip, árbir turǵynǵa ózi tańdaǵan jáne turǵylyqty mekenine múmkindiginshe jaqyn ornalasqan emhanaǵa baryp tirkelýi kerektigin aıtyp jetkizdi.
Túsindirý jumystary budan ári de jalǵasyn tappaq. О́ıtkeni, osy jyldyń 1 shildesinen árbir azamat saqtandyrý qoryna jarna tóleýge mindetti. Eger jarna tólenbegen jaǵdaıda memleket tegin medısınalyq kómektiń kepildi túrine ǵana kepildik beredi. Búgin osy aksııa barysynda oblys ákiminiń orynbasary Baýyrjan Jamalov Shymkent qalalyq №3 emhanaǵa baryp tirkelip, mártebesin anyqtady. Sonymen qatar, ol emhananyń tynys-tirshiligimen tanysyp, ońtústik qazaqstandyqtardy 31 maýsymǵa deıin emhanalaryna baryp tirkelip, mártebelerin anyqtaýǵa shaqyrdy.
«Buǵan deıin men Almaty qalasynda turǵanmyn. Qazir qyzmet barysymen Shymkentke qonys aýdarýyma baılanysty osy emhanaǵa tirkeldim. Esh qıyndyǵy joq, ózderińiz kórgendeı barlyq jaǵdaı jasalǵan. Elimizde keler jyldan bastap Mindetti áleýmettik medısınalyq saqtandyrý týraly zań kúshine ene bastaıdy. Soǵan baılanysty árbir qazaqstandyqtyń mártebesin anyqtaý mańyzdy. Sol maqsatta elimizde 5 sáýirden bastap, «Emhanaǵa tirkel de MÁMS júıesindegi óz mártebeńdi anyqta!» aksııasy júrip jatyr. Osy múmkindikti paıdalanyp, ońtústik qazaqstandyqtardy ózi tańdaǵan emhanaǵa tirkelýge shaqyramyn», – dedi B.Jamalov.