Batys Qazaqstanda oryn alǵan tabıǵat apatynan zardap shekken baýyrlarymyzǵa qolushyn sozý, jandaryna demeý bolý árbirimizdiń azamattyq boryshymyz. Osy maqsatta «Nur Otan» HDP Prezıdenttik mádenıet ortalyǵyndaǵy bastaýysh partııa uıymynyń jastar qanaty bastama kóterip, áriptesteriniń bir kúndik jalaqysyn qaıyrymdylyq kómek retinde arnaıy ashylǵan esep-shotqa aýdarýǵa úndedi. «Jumyla kótergen júk jeńil» demekshi, batystaǵy baýyrlarymyzdyń basyna túsken qıyndyqty bólisip, ortalyq qyzmetkerleri biraýyzdan bir kúndik jalaqy esebinen jınaqtalǵan 600 myń teńgeni kómek qorynyń esep-shotyna aýdardy.