Pákstan úkimeti AQSh-qa 2 mamyr kúni pákstandyq rezıdensııasynda kózi joıylǵan Ýsama ben Ladenniń jesirlerinen tergeý alýǵa nemese tipti tutqyndaýǵa ruqsat etýi múmkin ekenin málimdedi.
Sonymen birge Vashıngton men Islamabad «nómir birinshi terrorshynyń» kózin joıý jónindegi arnaıy operasııaǵa túsinik bere otyryp, bir-biriniń atyna syn-eskertpeler aıtýdy da toqtatpaı otyr. Kerek deseńiz, bul máseleni sanaly túrde uıymdastyrylǵan saıası oıyn deýshiler de joq emes. AQSh-tyń áskerı toptaryndaǵy óz aqparat kózderine silteme jasaǵan jýrnalısterdiń málimdeýinshe, 2001 jyly-aq eki eldiń sol kezdegi basshylary Pervez Mýsharraf pen kishi Djordj Býsh Ýsama ben Ladendi tutqyndaý jóninde qupııa kelisimge kelgen kórinedi.
SIRIIаǴA QARSY SANKSIIа
Eýroodaqtyń sanksııasyna ilikken sırııalyq 13 sheneýniktiń ishinde el prezıdenti Bashar Asadtyń inisi Maher Asad pen bólesi Ramı Maklýf ta bar kórinedi.
Sol sııaqty tizimge sırııalyq arnaıy qyzmet basshylary da ilikken. Maklýf Sırııadaǵy eń iri uıaly baılanys operatorynyń, sol sııaqty birneshe qurylys kompanııalarynyń qojaıyny bolyp tabylady. Al Maher Asad bolsa, respýblıkalyq gvardııanyń qolbasshysy jáne mańyzy jaǵynan eldegi ekinshi adam. 13 sheneýniktiń bárine de EO aýmaǵyna kirigýge tyıym salynǵan. Sol sııaqty EO Sırııaǵa qarý-jaraq jetkizýge de embargo engizip otyr.
TÚRKIIа KEDEILERGE KО́MEKTESÝGE ShAQYRDY
Ystambulda ótken BUU konferensııasynda Túrkııa prezıdenti Abdýlla Gúl álemdegi eń kedeı elderge kómek kórsetý baǵdarlamasynyń aýqymyn keńeıte túsýge shaqyrdy.
Bul týraly ol dúısenbi kúni álemniń neǵurlym kedeı 48 eliniń qatysýymen Ystambulda ashylǵan 5 kúndik sammıtte málimdedi. Onyń aıtýynsha, ishki jalpy ónimderi neǵurlym tómen elderdiń aýyl sharýashylyǵyn, bilim berý júıesin damytýǵa kómektesip, sonymen birge, ınvestısııalardyń ósýi úshin jaǵdaı jasaý qajet. Forýmda eń kedeı elderdiń taıaý onjyldyqtaǵy damý jospary talqylanbaq. Túrkııa prezıdenti atap kórsetkendeı, neǵurlym nashar damyǵan elder Jer turǵyndarynyń 13 paıyzyn quraıdy, biraq olardyń úlesine álemdik ekonomıkanyń 1 paıyzy ǵana tıedi.
EŃBEKAQYSYNAN ÝAQYTShA BAS TARTTY
Japonııa premer-mınıstri Naoto Kan «Fýkýsıma-1» atom elektr stansasyndaǵy apatty jaǵdaı úshin el úkimetiniń jaýapkershilikti ekenin moıyndady.
Oryn alǵan oqıǵa jaýapkershiligi tek Tokyo Electric Power kompanııasynyń ǵana moınynda emes, sonymen birge, atom energııasy salasyndaǵy saıasatty belgilegen úkimettiń de moınynda dep málimdedi ol. Sol úshin men jaýapty adam retinde búkil halyqtan shyn júrekten keshirim suraımyn. Osylaı deı kelip, premer maýsym aıynan bastap «Fýkýsıma-1» stansasyndaǵy jaǵdaı rettelgenge deıin úkimet basshysy retindegi eńbekaqysyn qazynaǵa qaıtaratynyn habarlaǵan.
16 BOSQYN QAZA TAPTY
Lıvııadan Eýropaǵa jetpek bolǵan bosqyndar otyrǵan kemeniń apatqa ushyraýy saldarynan 16 adam qaza tapty.
Oqıǵa negizinen Afrıka elderinen shyqqan 600 bosqyn otyrǵan keme tasqa soǵylyp, sýǵa batyp ketýine baılanysty oryn alǵan. Sońǵy ótken demalys kúnderi Lıvııadan shyqqan qashqyndar sany qaýyrt ósip ketip otyr. Sısılııadan 205 shaqyrym qashyqtyqtaǵy Lampedýza aralyna sońǵy kúnderi bortyna 2,4 myń adam tıegen 5 keme kelip toqtaǵan. Tek Italııanyń ózine ǵana kelgen bosqyndar sany 11,23 myń adamǵa jetip otyr.
AQSh-taǵy SÝ TASQYNY
AQSh-tyń orta batysy men ońtústigindegi 8 shtat sońǵy jyldarda oryn alǵan eń alapat sý tasqynnyń astynda qaldy.
Tabıǵı apatqa Mıssısıpı ózeniniń arnasynan asyp ketýi sebepker bolyp otyr. Myńdaǵan turǵyndar apat aımaǵynan basqa jerlerge kóshirildi. О́zenge jaqyn ornalasqan ǵımarattardaǵy sý deńgeıi 2 metrge deıin jetken. Tótenshe jaǵdaılar zardaptaryn joıýǵa áskerıler tartylyp otyr. Sınoptıkterdiń habarlaýynsha, sýdyń keri qaıtýyn áli de 1 aı kútýge týra keletin kórinedi.
KADDAFIDI USTAP BERÝ TALAP ETILÝDE
Norvegııa úkimeti Lıvııa kósemi Mýamar Kaddafıdiń ýkraınalyq medbıkesi Galına Kolotnıskaıanyń ózine saıası baspana berý týraly ótinishin qabyldamaı tastaǵan.
Sonymen birge, eger quqyq qorǵaý organdary medbıke biletin aqparattardy eldiń ulttyq múddesi úshin qajet dep tapsa, oǵan elde qalýǵa ruqsat berilýi de múmkin. Ol aqparat Kaddafıdiń qaı jerde jasyrynyp júrgendigi týraly bolyp otyr. Norvegııa úkimeti bolsa, Galına Kolotnıskaıa ondaı málimetterdi biledi jáne aıtyp beredi dep úmittenýde.
BANDERAShYLAR BEIBASTAQTYǴY
9 mamyr kúni Ýkraınada Jeńis kúnin toılaý Lvov qalasynda shekten shyqqan tártipsizdikterge ulasty.
Jeńis kúnin toılaýǵa rıza bolmaǵan jergilikti neobanderashylar osy kúndi atap ótýshilermen úlken qaqtyǵystarǵa bardy. Batys Ýkraınada tarıhı zerde máselesine qatysty eldiń basqa bóligine qaraǵanda, ózgeshe kózqarastar bar ekeni erteden belgili. Munda Uly Otan soǵysynyń ardagerleri emes, nemis nasısterimen qyzmettes bolǵan ýkraın ultshyldary jergilikti batyrlar bolyp sanalady. Lvovtyq depýtattar ótken jyly-aq Jeńis kúnin joqqa shyǵarmaq bolǵan. Ultshyldar «Bandera keledi – tártip ornatady» dep aıqaılap, soǵys ardagerlerine túrli zattardy laqtyrǵan.
Internet materıaldary negizinde ázirlendi.