«Nur Otan» HDP oblystyq fılıaly kóktemgi sý tasqynynan zardap shekken oraldyqtarǵa qaıyrymdylyq aksııasyn uıymdastyrdy. Árqaısysy 30 tonnalyq eki júk kóligine azyq-túlik, kıim-keshekter, dári-dármek tıelip, Batys Qazaqstan oblysyna jol tartty. Qaıyrymdylyq sharaǵa jekelegen adamdar, zeınetkerler, kásipkerler belsene qatysty. «Qaınat» JShS 20 tonna un bóldi. «Jibek joly» saýda bazarynyń ujymy arnaıy esep-shotqa 300 myń, «SÝ-808» mekemesi 200 myń teńge quıdy. Petropavl nan-toqash kombınaty, «Sultan» AQ, «Leontev» JShS, taǵy basqa kásiporyndar da qomaqty úles qosty.
Budan tysqary jergilikti bıýdjetten 100 mıllıon teńge bólindi.
О́mir ESQALI.
Soltústik Qazaqstan oblysy.