Gúlmen kómkerilgen kókónis

Sulýlyq pen náziktikti gúlmen salystyramyz. Gúl – qýanysh syı­laıdy, adam janyn nurǵa bóleıdi. Osyndaı alqyzyl raýshan gúliniń hosh ıisi ańqyǵan qalanyń soltús­tiginde kózge erekshe túsetin ǵıma­ratqa kirseńiz, sulýlyqtyń syryn uǵynasyz. «Green House – Jasyl úı» jylyjaı kesheni 2008 jyldan beri tórt túrli raýshan gúlin ósirip, bap­taýdy qolǵa alǵan. Tekeliniń jaı­qalǵan gúlderin Astana, Almaty, Qaraǵandynyń tutynýshylary men ózge de iri qalalardyń jurtshy­ly­ǵy alady. Gollandııalyq tehnologııa jetistigimen kún saıyn sabaǵy­n­an úzilip alynatyn 4-5 myń tal hosh ıisti raýshan gúlderi sýary­lyp, sosyn arnaıy tońazytqyshta saqtalady. Suranysqa oraı keıin tutynýshyǵa jol tartady. Elimizdegi 2010-2014 jyldarǵa ar­nal­ǵan údemeli ındýstrııalyq-ınno­vasııalyq damý baǵdarlamasy aıasynda «QazAgroFınans» qoǵamy arqyly qar­jylandyrylǵan 1293,7 mıllıon teńgege «Green House-Jasyl úı» seriktestigi jylyjaı kesheniniń qo­sym­sha qurylysyn da qatar júrgizýde. Tekeliniń áleýmettik-ekonomı­ka­lyq tynysyn asha túsetin joba­nyń jaı-kúıin Indýstrııa jáne jańa tehnologııalar mınıstrliginiń О́ner­kásip komıteti qurylys ın­dýstrııasy basqarmasy jiti nazarda ustaýda. Qazirgi tańda raýshan gúl­derin ósirip, ony otandyq rynokqa shyǵarǵan jylyjaıǵa jalǵastyra salynǵan qurylystyń biraz jumy­sy eńserilip qalǵan. Jylyjaı ke­sheniniń ereksheligi qýat kóziniń tıimdiligi men jańa tehnologııalardy paıdalaný artyq­shy­lyǵy deýge bolady. Jylyjaıdyń bolashaqqa qur­ǵan jospary gúlmen emes, bastapqy tájirıbe kókónis ósirýmen ushtas­qanyn da aıtqan jón. Jylyjaı salýdyń jańa tehnologııasyn ábden meńgergen qurylystyń bas merdigeri «Bazıs-ST» seriktestigi qolǵa alǵan jobanyń jalpy quny 1581,4 mıllıon teńge. «QazAgroFı­nans­tyń» joǵaryda atalǵan somasynan qalǵan 287,7 mıllıondy jylyjaı ujymy kóterip otyr. Gollandııalyq tehnologııamen sa­lynǵan jylyjaı kesheninde ósiri­le­tin kókónis te raýshan gúli sekildi ádispen baptalady. Bıylǵy qarasha aıynan bastap qııar men qyzanaq ósirilmekshi. Jobalyq qýaty jyly­na 1650 tonna qııar jáne 1375 tonna qy­zanaq ósirý bolsa, óńir turǵyn­dary­nyń dastarqanynan qysy-jazy kók­ónis úzilmeıdi dep úmittenemiz. Ju­mys aýqymy keńeıetin jyly­jaı­da qosymsha 60 adamǵa turaqty ju­mys orny ashylyp, taǵy da shahar­lyq­tar eńbekke tartylatyny qýanyshty. Serpindi joba paıdalanýǵa berilip, el ıgiline asar kún de jaqyn. Osylaısha ekologııalyq jaǵynan taza kókónis túrleri dúken sóre­lerinen oryn alady. Kúmisjan BAIJAN.