Marııa, Ekaterına, Elızaveta, Antonına

Qyzyljar óńirinde tórt bala tú­gili egizdiń ózi sırek týady. Al, ob­lys ortalyǵyna irgeles orna­las­qan Beskól kentiniń turǵyny Svetlana Ivanova naǵyz altyn qursaq ana atandy. Andreı esimdi azamatpen otaý qurǵan ol 10 jyl boıy tula­bo­ıy tuńǵyshyn zaryǵa kútken eken. Endi, mine, 32 ja­synda bosa­nyp, 4 náresteni dú­nıege ákeldi. Bá­ri de – qyz balalar. Esimderi – Ma­rııa, Ekaterına, Elızaveta, Antonına. – Qazir sábılerdiń jaǵdaıy jaqsy. Dárigerlerdiń erekshe ba­qylaýyna alynǵan. О́zim shırek ǵasyrǵa jýyq oblystyq perına­tal­dyq ortalyqta jumys isteımin. Mundaı qýanyshty oqıǵamen birinshi ret kezigip otyrmyn, – deıdi bas dáriger Janna Maýytova. Oblys ákimi Serik Bilálov pe­rı­nataldyq ortalyqta arnaıy bo­lyp, jas ananyń jaǵdaıymen ta­nys­ty, sábılerge baýy berik bol­syn aıtyp, tilektestik bildirdi. Petropavl qalasynan úsh ból­meli pá­ter beriletinin habarlady. «Urpaq qory» sertıfıkatyn ta­bys etti. Bul baǵdarlama boıyn­sha ár balaǵa arnaıy esepshot ashylyp, árqaısy­syna 226 myń teńge mólsherinde al­ǵashqy jarna aýdarylady. Sóı­tip, 18 jasqa tolǵansha eselenip oty­rady. Ishki ister salasynda eń­bek etetin áke de oblys ortalyǵyna qyzmetke aýystyrylatyn boldy. Oblys­tyq ishki ister departamenti de óz tartýlaryn jasady. О́mir ESQALI, Soltústik Qazaqstan oblysy.