Aqjaıyqtaǵy medısına murajaıy

Oral qalasynda óńirdiń densaýlyq saqtaý salasynyń tarıhy men búgingi jaı-kúıine arnalǵan qos birdeı shara­nyń tusaýkeser rásimi ótkizildi. Mu­nyń birinshisi, oblystyq klınıkalyq aýrýhananyń janynan ashylǵan medı­sınalyq murajaı. Ekinshisi, «Batys Qazaqstan oblysy densaýlyq saqtaý salasynyń damý kezeńderi» atty tarıhı ocherkter jınaǵy. Medısınalyq murajaıǵa salanyń ótkeni men bú­gingisinen syr shertetin asa qundy eks­ponattar qoıylǵan. Bul jádi­ger­ler 1917 jylǵa deıingi kezeńdi, keńes­tik dáýirdi jáne eldiń táýelsizdik al­ǵannan keıingi sońǵy jıyrma jyly­nyń aralyǵyn qamtıdy. Aıtalyq, murajaıdaǵy sonaý XIX ǵasyrdyń basynda, Bókeı handy­ǵyn­da ashylǵan aýrýhanada qoldanylǵan kóne medısınalyq apparattardyń úl­gi­leri oǵan kelýshilerdiń úlken qy­zyǵýshylyǵyn týǵyzýda. Mundaǵy ta­nys ta, beıtanys qondyrǵylar eshkim­di de selqos qaldyra almaıdy. Keńestik kezeńde qoldanysta bolǵan Ambý qap­shyǵy, elektrlik larıngoskop, jedel jár­dem sómkesi, jasandy búırek qon­dyr­ǵysy sekildi syry ketse de syny ketpegen buıymdarda uqypty da jana­shyr qoldardyń izderi baıqalady. Son­daı-aq Táýelsizdik jyldary tutastaı elimizdiń, sonyń ishinde Oral óńiriniń densaýlyq saqtaý salasy jedel ári turaqty damý jolyna qalaı túskenin aıǵaqtaıtyn eksponattar da mura­jaı­dyń kórneki jerinen oryn alǵan. Al joǵaryda atalǵan tarıhı ocherkter jınaǵy aımaqtaǵy medısınalyq uıym­dar­dyń qalyptasý kezeńderi men evolıý­sııalyq satylarynyń jylnama­sy ári shejiresi ispettes. Munda olar­dyń alǵash ashylǵan sáti men búgingi kúnge deıingi ty­nys-tirshiligi tutastaı qamtyl­ǵan. О́ńir­degi densaýlyq saqtaý salasy­nyń damýy­na aıryqsha úles qos­qan mamandar men dárigerler jó­nin­de jazyl­ǵan ómirbaıan­dyq ári tanymdyq sıpat­ta­ǵy materıaldar da mol. Olar­dyń is-tá­jirıbeleri men kásibı biliktiligi jónin­degi ocherkter kórkem de túsinikti tilmen baıandalǵan. Árıne, óńir medısınasynyń osyn­daı taǵylymdy tarıhynda otandyq me­dı­­sı­naǵa búgingi zamanǵy tehnologııalar men qural-jabdyqtar engizi­lýi­niń jáne dıagnostıkalyq tásilder men em­deýdiń sońǵy jetistikteriniń alatyn orny qomaqty. Bul jóninde mura­jaı­dan da, arnaıy shyǵarylǵan jınaqtan da mol maǵlumattar alýǵa bolady.  So­nymen birge munda tur­ǵyn­dardy medı­sınalyq turǵydan qamtý isiniń jyl ótken saıyn jetildirilip kele jatqa­nyn aıǵaqtaıtyn derekter men dáıek­ter de jetkilikti. Medısınalyq murajaıdyń tusaý­keser rásimine qatysqan Batys Qazaq­stan oblysy ákiminiń birinshi oryn­basary Nurlan Noǵaev respýblıkada balamasy joq erekshe salalyq murajaı ashýǵa jáne kólemdi arnaıy basylym shyǵarýǵa bastamashy bolǵan  Batys Qa­zaq­stan oblysy densaýlyq saqtaý bas­qar­masynyń bastyǵy Hamıdolla Irmenovke óz rızashylyǵyn jetkizdi. Temir QUSAIYN, Batys Qazaqstan oblysy.