Jelpildetip teatrdyń túńdigin

BÚGIN ALMATYDA HALYQARALYQ OPERA JÁNE BALET О́NERINIŃ FESTIVALI BASTALADY Bul kúnderi   Abaı atyndaǵy Qazaq memlekettik akademııa­lyq opera jáne balet teatry qar­ba­las ústinde. Eki mýzanyń da aıtý­ly jul­dyzdary kezegimen elimizge qo­naqqa kelip ja­tyr. Demek, bul sońǵy jyldary dástúrge aınalǵan  halyqara­lyq opera já­ne balet óneriniń festıvali bas­taldy degen sóz. Qazaqstan Mý­zyka qaıratker­leri odaǵy  Qaz­kommersbankpen bir­lese oty­ryp, 22-26 maýsym ara­lyǵynda ótkizetin aıtýly mádenı shara Qazaqstan Táýel­siz­diginiń 20 jyl­dyǵyna arnalmaq. Bekzat ónerdiń maıtalmandaryn bir jerde toǵystyratyn kezekti fes­tıvalde Abaı atyndaǵy teatr­men qatar Italııa jáne Reseıdiń belgili opera jáne balet sheberleri Almaty kórermenderi men qonaq­tary al­dynda óner kórsetedi. Festıvalge asyǵyp jetken osy qonaq­tardyń biri  Italııanyń tanymal tenory, áıgili «Ferýchcho Talıavını», «Tıto Skı­pa»  syndy baı­qaý­lardyń bas­ty júl­de­geri Aldo Kapýta da qazaq jerine alǵash ret aıaq basyp otyr eken. – Qazaqstandaǵy dál osy teatr­ǵa jolym túskenine qýanyshtymyn! Almaty shynynda da jap-jasyl qala eken. Teatrdyń ǵımaraty da unady. Orkestrdiń qalaı oınaı­ty­nyn da kórdim. Tamasha! Men siz­derdiń barlyqtaryńyzdy bizdiń qoıylymdardy tamashalaýǵa shaqy­ra­myn, dedi ol baspasóz máslıha­tyna qatysyp, jýrnalısterge bergen suhbatynda. Al Sankt-Peterbýrgtegi Marııa teatrynyń messo-sopranosy Zlata Býlycheva osydan 5 jyl buryn Al­ma­tyǵa joly túsip, «Karmen» opera­synyń partııalaryn oryndaǵan bola­tyn. Peterbordaǵy osy teatrdyń bel­di rejısseri Irkın Gabıtov  ba­ıyrǵydan-aq qazaq operasynyń da­mýyna úlesin qosyp júrgen óner tarlanbozy. Áne bir jyldary Qa­zaq­standaǵy táýelsiz «Tarlan» syı­ly­ǵymen marapattalǵan, osydan keıin de Abaı teatrynda «Trýbadýrdy» qoı­ǵan rejısser M.Gabıtov bul jo­ly da festıvaldiń joǵary deńgeıde ótýine atsalyspaq. Onyń aıtýynsha, bizdegi halyq­aralyq festıval tórt kúnge so­zyl­sa, Sankt-Peterbýrgte ótkizi­le­tin opera jáne balet óneriniń «Aq túnder» festıvali 1,5 aıǵa deıin sozylyp, kún saıyn birneshe máde­nı sharalar ótkiziledi eken. – Qazirgi tańda klassıkalyq óner­diń ózindik menedjmenti qalyp­tas­ty. Áıgili opera jáne balet jul­dyzdarynyń jumys kestesi aldyn ala 2-3 jylǵa qurylyp qoıady. Iаǵnı, olar keler jyldyń qaı kúni qaı jerde óner kórsetetinin bilip otyrady. Búgingi bekzat ónerdiń júıesi osyndaı, – deıdi Irkın Gabıtov. Eger osy tustan oı tarqatatyn bolsaq, Italııa men Reseıdiń áıgili dırıjerleriniń, ánshi, bıshileriniń Qazaqstanǵa arnaıy at basyn tirep otyrǵany aıtýly oqıǵa. Klassı­kalyq ónerdi baǵalaıtyn qaýym mundaı múmkindikti jibermeýi tıis. Sonymen, festıval baǵdarla­ma­syndaǵy Dj.Verdıdiń «Aıda» jáne G.Donısettıdiń «Mahabbat shy­ryny» operalarynda Abaı teatry­nyń Beıimbet Qojabaev, Jámılá Baspaqova, Bolat Esimhanov, Oleg Tatamırov, Aleksandr Smetanın, Olga Lýkashova sııaqty ánshi­leri­men birge, Italııa operasynyń jul­dyzdary Danıella Skılachı, Leonardo Gramenıa, Aldo Kapýto men Reseıdiń ataq­ty opera juldyzdary Zlata Býlycheva, Pavel Chernyh óner kórsetpek. Al P.Chaıkov­skıı­diń «Lebedınoe ozero» jáne S.Prokofevtiń «Romeo men Djýletta» baletiniń basty partııalaryn reseılik balet solısteri Rýslan Skvorsov, Nına Kapsova, Danıla Korsýnsev, Anastasııa Kolegova jáne Abaı atyndaǵy opera jáne balet teatrynyń solısteri Dmıtrıı Sýshkov, Ulan Badenov, Gúlnur Býrıeva, Dosjan Tabyldy, Áset Mur­zaqulov, Farhad Býrıev, Ásel Mýsınova, Gúlvıra Qurbanova, Álııa Sapýgova, Azamat Asqarov oryn­damaq. Osy arada orkestrge Erbolat Ahmedııarov, Arman Orazǵalıev dırıjerlik jasaıtynyn da aıta ketsek deımiz. Aınash ESALI. Almaty.