Qazaqstanda aqyldy qalalar men kólikter, smart jaryqtandyrý sekildi ózge de jahandyq jobalar qolǵa alyna bastady.
Bul jumystarǵa Kremnıı alqabynyń joǵary tehnologııalyq kompanııalary da jumyldyrylyp jatyr. О́ıtkeni kúndelikti ómirde qoldanyp júrgen kópegen ónertabys ıdeıalar naq osy jerden bastaý alady.
"Biz Sılıkon alqabynda «Sandy Qazaqstan» baǵdarlamasyn oılastyryp jatyrmyz. Osy memlekettik baǵdarlama aıasynda birqatar iri kompanııalarmen kelissózder júrgizip kelemiz. Tańdalǵan baǵyttardyń qatarynda - aqyldy qala, ındýstrıaldy ınternet, aýyl sharýashylyǵy men smart kólik salalaryndaǵy jobalar bar. Mysaly, biz búgin ózdiginen júretin kólik týraly talqyladyq", - deıdi «Zerde» ulttyq ınfokommýnıkasııalyq holdıngi» basqarmasynyń tóraıymy Ásel Jıenbaeva.
Qalalyq ınfraqurylymnyń damýy, qaýipsizdik pen jaılylyq smart sıtı deńgeıin qalyptastyrady.
"Biz búgin Sısko kompanııasymen jahandyq memorandýmǵa qol qoıdyq. Basty baǵyttardyń biri - smart sıtı, ıaǵnı aqyldy qala men aqyldy kólik jobasy bolady. Biz pılottyq jobany Sısko kompanııasymen birge elordamyz Astanada júzege asyratyn boldyq. Elbasymyzdyń joldaýy aıasynda adamzat ómirin áldeqaıda jeńildetetin álemdik oıynshylarmen kúsh biriktiremiz. Amerıka Qurama Shtattarynda jańa tehnologııany engizý ońaıǵa soqpaıdy", - deıdi «Zerde» ulttyq ınfokommýnıkasııalyq holdıngi» basqarmasynyń tóraıymy Ásel Jıenbaeva.
Al Qazaqstan jańa aqparattyq tehnologııalardy synaý úshin taptyrmas el. Qazaqstannyń kremnıılik áriptesteri elektrondy úkimetti, taý-ken ónerkásibi men bilim berý júıesin jetildirýge mán beredi.