2011 jylǵy 29 sáýir, Astana, Úkimet Úıi
Qazaqstan Respýblıkasynyń azamattyq avıasııasynda bortserikterdiń jumysyn uıymdastyrý qaǵıdasyn bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 13-babynyń 25) tarmaqshasyna sáıkes Qazaqstan Respýblıkasynyń úkimeti qaýly etedi:
1. Qosa berilip otyrǵan Qazaqstan Respýblıkasynyń azamattyq avıasııasynda bortserikterdiń jumysyn uıymdastyrý qaǵıdasy bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 29 sáýirdegi №471 qaýlysymen bekitilgen
Qazaqstan Respýblıkasynyń azamattyq avıasııasynda bortserikterdiń jumysyn uıymdastyrý qaǵıdasy
1. Jalpy erejeler
1. Osy Qazaqstan Respýblıkasynyń azamattyq avıasııasynda bortserikterdiń jumysyn uıymdastyrý qaǵıdasy (budan ári – Qaǵıda) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 13-babynyń 25) tarmaqshasyna sáıkes ázirlendi jáne Qazaqstan Respýblıkasynyń azamattyq avıasııasynda bortserikterdiń jumysyn uıymdastyrý tártibin aıqyndaıdy.
2. Osy Qaǵıdada mynadaı termınder men anyqtalǵandar qoldanylady:
1) avıasııalyq oqý ortalyǵy – avıasııa personalyn daıarlaýdy, qaıta daıarlaýdy jáne olardyń kásiptik deńgeıin ustaýdy júzege asyratyn zańdy tulǵa;
2) asa mańyzdy ushý – Qazaqstan Respýblıkasynyń Úkimeti ýákilettik bergen memlekettik organdar Qazaqstan Respýblıkasynyń kúzetiletin adamdaryn áýemen tasymaldaý kezinde áýe kemeleriniń ushýyna, sondaı-aq olardyń ushatyn marshrýttaryna (reısterine) beretin mártebe;
3) qaýipti júkter – densaýlyq, qaýipsizdik, múlik nemese qorshaǵan orta úshin qater tóndirýge qabiletti jáne Halyqaralyq azamattyq avıasııa uıymynyń (IKAO) keńesi bekitken Áýe arqyly qaýipti júkterdi qaýipsiz tasymaldaý jónindegi tehnıkalyq nusqaýlyqtardaǵy qaýipti júkter tizbesinde kórsetilgen buıymdar nemese zattar;
4) ushýdy júrgizý jónindegi nusqaýlyq – ushý tártibin, uıymdastyrylýyn, qamtamasyz etilýin jáne oryndalýyn reglamentteıtin, paıdalanýshy bekitetin jáne azamattyq avıasııa salasyndaǵy ýákiletti organmen kelisilgen qujat;
5) azamattyq avıasııa salasyndaǵy ýákiletti organ (budan ári – ýákiletti organ) – Qazaqstan Respýblıkasynyń áýe keńistigin paıdalaný jáne azamattyq jáne eksperımenttik avıasııa qyzmeti salasyndaǵy basshylyqty júzege asyratyn ortalyq atqarýshy organ;
6) kabınalyq ekıpaj múshesi – qaýipsizdik múddesine oraı jáne jolaýshylarǵa qyzmet kórsetý jáne (nemese) júkterdi tasymaldaý maqsatynda áýe kemesiniń bortynda paıdalanýshy nemese áýe kemesiniń komandıri ózine tapsyratyn mindetterdi oryndaıtyn, avıasııa personalyna jatatyn, biraq ushý ekıpajynyń múshesi bolyp tabylmaıtyn tulǵa.
Azamattyq, memlekettik jáne eksperımenttik avıasııanyń azamattyq personalynyń tizbeleri azamattyq jáne memlekettik avıasııa salasyndaǵy ýákiletti organdardyń birlesken buıryǵymen belgilenedi.
7) ushý ekıpajynyń múshesi – avıasııa personalyna jatatyn, avıasııa personalynyń qoldanystaǵy kýáligi bar, ushý ýaqyty ishinde áýe kemesin basqarýǵa baılanysty mindetter júktelgen tulǵa;
8) paıdalanýshy – azamattyq áýe kemelerin paıdalanýmen aınalysatyn jáne osy saladaǵy óz qyzmetin usynatyn jeke nemese zańdy tulǵa.
2. Bortserikteriniń jumysyn uıymdastyrý tártibi
3. Bortserikter fýnksııalary men mindetterin paıdalanýshy oryndalatyn jumys kólemderi men ereksheligin eskere otyryp aıqyndaıtyn jáne Ushýdy júrgizý jónindegi nusqaýlyqta kórinis tabatyn áýe kemesiniń kabınalyq ekıpajynyń múshesi bolyp tabylady.
4. Bortserikter óz mindetterin oryndaýy úshin paıdalanýshy mynalardy:
1) bortserikterdi daıarlaý, qaıta daıarlaýdy jáne olardyń kásiptik deńgeıin qoldaýdy;
2) bortserikterdi derbes jumysqa jiberýdi;
3) bortserikterdi aldyn ala jáne ushý aldynda daıarlaýdy;
4) áýe kemesiniń bortynda jolaýshylarǵa qyzmet kórsetýdi;
5) ushýdaǵy praktıkalyq jumysty tekserýdi;
6) ushqannan keıingi taldaýdy;
7) bortserikterdiń jumysyn uıymdastyrýdy baqylaýdy uıymdastyrady.
5. Paıdalanýshy azamattyq avıasııanyń avıasııalyq oqý ortalyqtarynda bortserikterdi daıarlaýdy, qaıta daıarlaýdy jáne kásiptik deńgeıin qoldaýdy óziniń jeke qarajaty esebinen uıymdastyrady.
Azamattyq avıasııanyń avıasııalyq oqý ortalyqtarynda bastapqy daıarlaýdan ótkennen keıin bortserikterge ýákiletti organ belgileıtin tártippen kýálik beriledi.
Bortserikterdi áýe kemesiniń basqa úlgisine qaıta daıarlaý áýe kemesiniń jańa úlgisinde onyń erekshelikterin eskere otyryp, fýnksıonaldyq mindetterin oryndaý úshin qajetti kásiptik bilimder men daǵdylardy alý maqsatynda júrgiziledi.
6. Paıdalanýshy halyqaralyq áýe jelilerinde jumys úshin bortserikterdiń ýákiletti organ bekitken baǵdarlamalar boıynsha, sondaı-aq azamattyq avıasııanyń sertıfıkattalǵan avıasııalyq oqý ortalyqtarynda shet tilderi boıynsha tıisti daıarlaýdan ótýin qamtamasyz etedi.
7. Kásiptik deńgeıin qoldaý maqsatynda bortserikter úsh jylda bir ret azamattyq avıasııanyń avıasııalyq oqý ortalyqtarynda biliktilikti arttyrý kýrstarynan ótedi.
8. Paıdalanýshy ýákiletti organ bekitken bortserikterdi daıarlaý jáne qaıta daıarlaý, onyń ishinde avıasııalyq qaýipsizdik boıynsha baǵdarlamalardy oryndaýdy qamtamasyz etedi.
9. Paıdalanýshy jyl saıyn áýe kemesiniń májbúrli túrde qonýy kezindegi avarııalyq jaǵdaılarda árbir bortseriktiń is-áreketin pysyqtaýdy jáne paıdalanýshy ázirlegen jáne bekitken ári ýákiletti organmen kelisilgen baǵdarlamalar boıynsha onyń jabdyǵyn qaýipsiz paıdalanýdyń rásimderin qamtıtyn bortserikterdi merzimdik jattyqtyrýdy uıymdastyrady jáne ótkizedi.
10. Bortserikterdi áýe kemesiniń bortyndaǵy derbes jumysqa jiberýdi paıdalanýshy áýe kemesinde taǵylymdamadan ótkennen jáne taǵylymdamany ótkizgen laýazymdy adamnyń derbes jumysqa jiberý múmkindigi týraly sheshiminen keıin uıymdastyrady jáne júzege asyrady.
11. Bortserikter densaýlyq saqtaý salasyndaǵy ýákiletti organ bekitken Qazaqstan Respýblıkasynyń azamattyq avıasııasyndaǵy medısınalyq kýálandyrý qaǵıdasyna sáıkes beriletin medısınalyq qorytyndynyń jáne azamattyq avıasııa salasyndaǵy ýákiletti organ beretin belgilengen úlgidegi bortseriktiń qoldanystaǵy kýáligi bolǵan kezde ushýǵa jiberiledi.
12. Bortserikterdi qaýipti júkterdi tasymaldaýǵa jiberý ýákiletti organ bekitken Azamattyq áýe kemelerinde qaýipti júkterdi tasymaldaý jónindegi nusqaýlyqtyń talaptaryna sáıkes azamattyq avıasııanyń avıasııalyq oqý ortalyqtarynda olar qajetti daıarlyqtan ótkennen keıin júzege asyrylady.
13. Bortserikke tórt úlgiden aspaıtyn áýe kemelerinde ushýǵa ruqsat beriledi.
14. Ushýdaǵy úzilistiń uzaqtyǵyna baılanysty ushýdaǵy úzilisten keıin áýe kemesiniń bortyndaǵy jumysqa jiberýdi paıdalanýshy ýákiletti organ bekitken baǵdarlamalar boıynsha júzege asyrady.
15. Ushýdyń qaýipsizdik deńgeıin arttyrý maqsatynda paıdalanýshy bortseriktermen aldyn ala jáne ushý aldyndaǵy daıarlyqty uıymdastyrady jáne ótkizedi.
Aldyn ala daıarlaý bortserikterdi ushýǵa daıarlaýdyń negizgi túri bolyp tabylady jáne paıdalanýshy:
bortserikter áýe kemesiniń bortynda taǵylymdama baǵdarlamasynan ótken kezde;
bir aıdan astam ushýdaǵy úzilisten keıin;
alty aıda bir ret - turaqty ushýdy oryndaýdyń aldynda;
erekshe mańyzdy ushýdy oryndaýdyń aldynda;
arnaıy reısterdi oryndaýdyń aldynda;
jańa marshrýt boıynsha birinshi reıstiń aldynda;
tapsyrysty jáne charterlik reısterdi oryndaýdyń aldynda júrgizedi.
16. Aldyn ala daıarlaý bortserikterdiń aldaǵy ushýda olar oryndaıtyn barlyq jumys rásimderin zerdeleýi men meńgerýin qamtıdy. Aldyn ala daıarlaýdyń mazmuny men kólemin paıdalanýshy aıqyndaıdy.
Bortserikterin aldyn ala daıarlaý paıdalanýshy aıqyndaıtyn tártippen bortserikterdiń ushýdy oryndaýǵa daıyndyǵyn baqylaýmen aıaqtalady.
17. Árbir ushýdyń aldynda ushý aldy daıarlyǵy júrgiziledi.
Ushý aldyndaǵy daıarlyq bortserikterdi ushýǵa aldyn ala daıarlaýdyń qorytyndy kezeńi bolyp tabylady, onyń prosesinde aldyn ala daıarlyq ýaqytynda zerdelenbegen, áýe kemesiniń ushýynyń aldynda tikeleı týyndaıtyn máselelerdi sheshý júrgiziledi.
Ushý aldyndaǵy daıarlyq tehnologııasyn áýe kemesiniń úlgisi men bortserikterdiń sanyn eskere otyryp, paıdalanýshy ázirleıdi jáne bekitedi, ushýǵa daıarlyq boıynsha bortserikter qyzmetiniń tehnologııalyq prosesterine qatysatyn aralas qyzmettermen kelisiledi.
18. Jolaýshylarǵa áýe kemesiniń bortynda qyzmet kórsetý mynalardy eskere otyryp, paıdalanýshy ázirleıtin jáne bekitetin tehnologııaǵa sáıkes júzege asyrylady:
1) áýe kemesiniń úlgisi;
2) bortserikterdiń sany;
3) qyzmet kórsetý synyptary;
4) usynylatyn qyzmetterdiń túrleri;
5) ushý ýaqyty.
19. Paıdalanýshy bortserikterdiń áýe kemesiniń bortynda jolaýshylarǵa qyzmet kórsetýi maqsatynda mynany uıymdastyrady:
1) jolaýshylardyń qajettilikterine sáıkes áýe kemesiniń bortynda komforttyń tıisti dárejesi;
2) jolaýshylarǵa qyzmetterdiń mindetti assortımentin usyný;
3) jolaýshylardyń áýe kemesiniń bortynda júrip turý qaǵıdasyn saqtaýyna turaqty baqylaý;
4) jolaýshylardyń tamaqtanýyna arnalǵan azyq-túlikterdiń jaramdylyq merzimderin qatań saqtaý.
20. Paıdalanýshy bortserikterdiń ushýdaǵy praktıkalyq jumysyn tekserýdi mynadaı maqsatta ýákiletti organ bekitken baǵdarlamalar boıynsha uıymdastyrady jáne júrgizedi:
1) áýe kemesiniń bortyndaǵy derbes jumysqa ruqsat alý;
2) alty aıdan astam ushý qyzmetindegi úzilisten keıin áýe kemesiniń bortyndaǵy jumysqa ruqsat alý;
3) mamandyǵy boıynsha biliktiligin aıqyndaý nemese rastaý.
21. Bortserikterdiń praktıkalyq jumysyn tekserý mynadaı merzimderde:
1) biliktiligine qaramastan – áýe kemesiniń osy úlgisindegi jumystyń birinshi jyly ishinde alty aıda keminde bir ret;
2) bir jyldan astam ótili bar biliktiligine qaramastan – jylyna keminde bir ret júzege asyrylady.
22. Praktıkalyq jumysty tekserý nátıjeleri ushý kitapshasyna engiziledi jáne bortserikterdiń kýáliginiń qoldanylý merzimin uzartý úshin:
1) bortserikter úshin (biliktilik synybyna qaramastan) bir jyl ishinde;
2) áýe kemesiniń basqa úlgisine qaıta daıarlaýdan keıin derbes jumystyń birinshi jyly ishinde bortserikter úshin úsh aı ishinde jaramdy bolyp tabylady.
23. Paıdalanýshy bortserikterdi ushýdan keıingi taldaýlardy uıymdastyrady jáne bortserikterdiń jumysynda kemshilikterdi anyqtaý jáne jol bermeý maqsatynda:
1) kabınalyq ekıpajda (qajettilik kezinde ushý ekıpajy músheleriniń qatysýymen);
2) bortserikterdiń qatysýymen ushý ekıpajynda (bir bortserigi kózdelgen áýe kemesinde) árbir ushýdan keıin ótkiziledi.
24. Paıdalanýshy atqarylǵan jumys, ony uıymdastyrý jáne odan keıingi aıǵa arnalǵan is-sharalar josparyn ázirleý týraly aqparatty júıelendirý maqsatynda bortserikter men aı saıynǵy taldaýlardy uıymdastyrady jáne ótkizedi.
25. Paıdalanýshy bortserikterdiń jumysyn uıymdastyrýǵa baqylaýdy Ushýdy júrgizý jónindegi nusqaýlyqtyń jáne osy Qaǵıdanyń talaptaryn oryndaý maqsatynda júzege asyrady.
26. Baqylaý paıdalanýshynyń ushý qaýipsizdigi, avıasııalyq qaýipsizdik salasyndaǵy qajet etiletin nátıjelerge qol jetkizýge jáne áýe kemesiniń bortynda jolaýshylarǵa qyzmet kórsetý sapasyn arttyrýǵa baǵyttalǵan bortserikterdiń jumysyn turaqty tekserýdi júrgizýdi kózdeıdi.
Baqylaýǵa:
bortserikterdiń jumysyn (ushýdy) josparlaý;
kásiptik daıarlyq jáne jumysqa jiberý jatady.