Jaqynda Taraz qalasyndaǵy Baýyrjan Momyshuly atyndaǵy № 45 klassıkalyq gımnazııanyń joǵary synyp oqýshylary men 2 muǵalimi Reseıdegi Qazaqstan elshiliginiń qoldaýymen jáne Zelenograd qalasy prefektýrasynyń uıymdastyrý jaǵynan járdemdesýi nátıjesinde Máskeýdegi dańqty qazaq batyry atyndaǵy mekteptegi qurdastaryna qonaqqa keldi. Osy sapar aıasynda qazaqstandyq jáne reseılik oqýshylar Baýyrjan Momyshuly jaýyngerlik erligimen tanylǵan burynǵy soǵys maıdany ótinde turǵan óńirlerde boldy, Reseı astanasynyń kórikti jerlerin aralap kórdi. Tarazdyq oqýshylar máskeýlik qurdastaryna Baýyrjan Momyshulynyń 30 tomdyq shyǵarmalar jınaǵyn jáne batyr tulǵasy beınelengen kilemdi syıǵa tartty.
Taraz qalasy oqýshylarynyń bul sapary bas qaharmany er Baýkeńniń ózi bolǵan Máskeý túbindegi uly shaıqastardyń 70 jyldyǵyna baılanysty uıymdastyryldy. Tárbıelik maqsattaǵy mundaı birlesken jobanyń eki eldiń óskeleń urpaǵynyń otanshyl sezimin qalyptastyrýǵa qyzmet etetini sózsiz.
Serikqalı BAIMENShE, «Egemen Qazaqstan» – Máskeýden.