24 saǵat

*Qytaıdyń «Sınhýa» agenttigi Nıý-Iorktiń Taıms-skverindegi eń bir jaqsy degen jarnamalyq oryndardy sa­typ aldy. Endi bul alańdarda aýmaǵy 60, al bıiktigi 40 fýt­tyq «Sınhýa» jazýy jar­qy­rap turatyn bolady. Qytaı taraby osy úshin aıyna 300-400 myń dollar tólemek.   *AQSh prezıdenti Barak Obama ulttyq telearnadan sóz sóılep, osy eldiń óz qaryzdaryn tóleı almaýy qaýpi týǵandyǵyn jarııa etti. Sondyqtan kongreske sheshim qabyldaý úshin bir apta ýaqyt qalyp otyr degen eskertýin de jasady. Artynsha te­leefırden kóringen kongress ók­il­der palatasynyń spıkeri Djon Beıner memlekettik qaryzdyń deńgeıin kótermeıtindikterin, ekonomıkanyń jaı-kúıine Obama jaýap beretinin qadap aıtty. *Nıgerde osy eldiń prezıdenti Mahamadý Isýfýdy ól­tirip, tóńkeris jasamaq boldy degen aıyppen bir top áskerı tutqyndaldy. Kúdiktilerdiń ara­synda maıor, leıtenant shenindegiler de bar kórinedi. Bunyń aldyndaǵy prezıdent te áskerı tóńkeris saldarynan taǵynan ketken. *Shveısarııa ulttyq valıý­ta­sy 30 paıyzǵa kóterildi. Bul AQSh pen Eýropadaǵy eko­no­mı­ka­lyq turaqsyzdyqtardyń bo­lýy múm­kindigimen  baılanysty bo­­­lyp ot­yr. Investorlar qar­jy­lyq tol­qýlardan qashyp, óz qar­jy­laryn turaqty sanalatyn shveı­sa­rııa­lyq frankte saqtaýǵa nıetti eken­dikterin baıqatyp otyr. *Mınskide «Áleýmettik jeli arqyly revolıýsııaǵa» ak­sııa­syna  qatysýshy­lary­nyń velosıpedpen júrip ótýshilerge qosylyp ketýi qaýpinen ony ótkizbeý uıǵarylǵan. Únsizdik aksııasyna qatysýshylar ShOS («Shob on sel», «Shob on sdoh») degen jazýy bar maıkilerdi kıip veloshabandozdardyń ara­sy­nan tabylmaq bolypty. *Kosovonyń soltústiginde birneshe júzdegen serb joldy júk kólikterimen bógep, jergilikti po­­lısııanyń ol jaqta ba­qylaý or­natýy jónindegi opera­sııasyna qarsylyq kórsetip ba­ǵýda. Osy eldiń premer-mınıstri Hashım Tachı soltústik aý­maqtardy tolyq baqylaýǵa alý týraly polısııa qyzmetine buı­ryq bergen kó­ri­ne­di. Mundaǵy jaǵdaı ýshyǵyp ketýi de múmkin delinýde. *BUU-nyń Lıvııa týraly baıandamasynda Kaddafı bas­qa­ratyn aýmaqta otyn taýsy­lyp, azyq-túlik pen qarjy tap­shy­lyǵy sezilgendigi ashyp aıty­lady. Al Lıvııa bıligi áýe soq­qysynan Zlıtan qala­syn­daǵy aýrýhanada jeti dá­riger men med­bıkelerdiń qaza tap­qa­ny­na NATO tarabyn aıyptaýda. *Reseıde janarmaıǵa degen baǵa jarty jylda 11 paı­yz­ǵa ós­keni belgili boldy. Kóktem­de bul elde «janarmaı prob­le­ma­sy» oryn alyp, maı quıý beketterinde biraz ábigerlik oryn al­ǵan-dy. О́kimet óz kezeginde mu­naıǵa qoıylatyn salyqty 60-tan 90 paıyzǵa deıin kóterýge májbúr boldy. Qazir de jaǵdaı anaý aıtqandaı qalypty emes. *Londonda munaı fıýcher­sine degen baǵa barreline 117,94 dol­­larǵa kelip turaq­ta­dy. Osy­laısha Brent markaly soltús­tik­teńizdik munaıǵa degen baǵa 0,73 dollarǵa tómen­degen. Al Nıý-Iorktegi baǵa 99,20 dol­lar­dy qurap, 0,67 dollarǵa arzandady. *Brıtanııalyq ánshi Emı Ýaın­haýstyń denesi onyń otba­sy­nyń talabymen jerlenetin or­­ny men ýaqyty kópshilikke ja­syryn ót­kizilmekshi. Ánshiniń óli denesi onyń Londondaǵy úıinen tabyl­ǵan bolatyn. Biraq áli kún­ge ólim­niń neden bolǵanyn anyq­taý múmkin bolmaı otyr. Tolyq saraptaý qorytyndysy bir aıdan keıin belgili bolmaq.

Internet materıaldary negizinde ázirlendi.