Bap pen baq

Álem chempıonatynyń shırek fınaly da kelip jetti. Oǵan Qazaqstan quramasynan irikteý jekpe-jekterinen súrinbeı ótken 9 boksshy joldama aldy. О́kinishke qaraı, 4 boksshymyzdyń kelesi aınalymǵa shyǵýǵa shamasy jetpedi. Osy synda jańaǵy jeńilgen tórt balamyz jaman óner kórsetti dep aıta almaımyz. Oljas Qa­laý­bek (46 kg.), Álibek Basapa (48 kg.) Raýan Zatýlla (52 kg.), Erbolat Ermekov (57 kg.) shırek fınalǵa shyǵýǵa baryn saldy. Tipti sońǵysy birinshi kezdesýde qarsylasyn utyp, biraz ýaqyt úmitin arqalap júrdi. Biraq, bokstyń aty boks. Sportta jeńis pen jeńilis, súıinish pen kúıinish qatar júretini belgili. Bul básekede eń bolmasa tórteýiniń ekeýiniń jarysty jalǵas­tyrýǵa jóni bar edi. Mysaly, 16 jas­taǵy Oljas Qalaýbek sport sheberligine úmi­tker, osy kezge deıin 28 kezdesý ótkizip, sonyń ekeýinde ǵana jeńil­gen. Qalǵan jekpe-jekterinde qar­sy­lastaryn ońdyrmaı sabaǵan boksshy. Álibek Basapa da sol sııaqty. 29 ret rıngke shyǵyp, sonyń altaýynda ǵa­na jeńilis tapqan. Osyny oılap tó­re­­shiler tarapynan bir qysastyq, qurbandyq etý sııaq­ty nárselerdiń bolýy ábden múmkin degen oı­lar da keletini jasyryn emes. Degenmen qarsy­la­starymyzdyń jo­ly bolsa, sońynan sóz eritip, tóre­shilerge syn aıtatyn biz emes. Bizdiń jeńilgen ba­lalarǵa endi osydan sabaq alyp, tá­ji­rıbe jınaq­taı berý ǵana qalady. Al shırek fınalǵa shyqqan boksshy­lary­myzdyń bári qazir jarap tur. Seısenbi kúni olar kelesi aına­lymǵa joldama alý úshin qoldan kel­genniń bárin jasady. Bekjan Kibit­qalıev (54 kg.) pen Aıan Qalıbekov (60 kg.) ázerbaıjan men nemis boksshy­larynyń eki aıaǵyn bir etikke tyqty dese bolady. Al aýyr salmaqtaǵy Dıdar Tólegenniń jeńiske degen jigerligi birden kózge urady eken. Keshegi aıqasta qarsylasyn jeń­gen ol «Men álem chempıony bolamyn» dep birden kesip aıtty. Aýzyn ashsa, ar jaǵynan júregi kóri­ne­tin bul bala­nyń osy sózine qalaı rıza bolmaı­syń. Ol ózi 18 ret rıngke shyǵyp, so­nyń ekeýinde ǵana jeńilgen eken. Osy joldan taımasa, onyń 2016 jyl­ǵy olımpıa­daǵa ba­rýy áb­den múm­kin. Til-kózden saq bolsa, Dıdardyń alar asýy áli alda. Qa­zir bizde aýyr salmaqtaǵy boks­shy­lar az, olar­dyń arasynda báse­ke­les­tik joq dep jıi aıtatyn ádetimiz bar ǵoı. Sony eskerip, bapkerlerimiz osyn­daı balalardy  aýyl aýyldan jaǵalap júrip alyp, tár­bıelep, boksshy etip ósirse deımiz. Bul  má­sele búgingi qazaq sportynyń bas aýyrtyp tur­ǵan basty máselesi. Al ony sheshý ynta men jigerge baı­la­nysty. Eger bárimiz bolashaǵy­myz­dy oı­lap, balalarǵa jol kórsetip otyr­saq, erteń olar­dyń el namysyn qor­ǵap, mereıimizdi ósire­tini sózsiz. Osy rette bizdiń jasós­pirimder qura­ma­­sy­nyń basym bóligin tárbıelep, ósir­gen bilikti bapker Zańǵar Qas­qaev pen quramanyń aǵa bapkeri Sultan Kostoevtyń aldyn­da úlken mindet turǵanyn atap ótken jón. Qa­zir osy bapker­leri­mizdiń bir eń­begi, ol elimizde tuńǵysh ret ótip jat­qan álem chempıonatyna 13 balamen baryp, sonyń 9-yn shırek fınalǵa shyǵar­ǵany deýge bolady. Solardyń qata­rynda seısenbi kúni ádemi óner kór­setken Zańǵar Temirhan, Dáýitbek Qaıyrgeldi, Aqylbek Ádilǵalıev, Dáýlet Baıǵabatov, Asqar Dúısáli men Tilek Qozbaqov­tyń aldaǵy aı­qas­tarda bapker­ler­diń úmitin aqtap, júldeli oryndarǵa kúresetinine senim mol. Dastan KENJALIN.