Memleketaralyq kórme

Ol TMD-nyń 20 jyldyǵyna arnaldy

Iá, ótip bara jatqan ýaqyt. Jarty álemdi jaılaǵan keńestik ımperııa qulap, tarıh sahnasyna táýelsiz memleketterdiń jańa qoǵamdastyǵy – TMD-nyń shyqqanyna da 20 jyl bolypty. Jaqynda osy bir tarıhı kúnge baılanysty Máskeý qalasynda TMD memleketteriniń barlyǵy derlik qatysqan memleket­aralyq kórme uıymdastyryldy. Bul kórme Táýelsiz Memleketter Dostastyǵy elderi úshin mundaı baılanystyń aýadaı qajet ekendigin taǵy da is júzinde dáleldedi. Kórmege TMD memleket­teriniń barlyǵy ózderiniń jetekshi kásiporyndarynyń ónim­derin qoıyp, árbir el ozyq jo­ba­laryn nasıhattady. Osy kór­me aıasynda Dostastyq elderi ózderiniń ulttyq kúnderin ótkiz­di. Qazaqstan Respýblıkasynyń táýelsizdik jyldary ishinde jet­ken jetistikterin «QazMu­naıGaz», «Qazaqstan temir jo­ly», «Qazaqstan ınjınırıng», «QazAgro» ulttyq basqarýshy holdıngi» ulttyq kompanııa­lary, «Qazaqtelekom», «Qazfos­fat» aksıonerlik qoǵamdary jáne basqa da iri kompanııalar nasıhattady. Halyqaralyq kórme aıasynda ótken Qazaqstannyń Ulttyq kúni baǵdarlamasy «Táýelsizdik jyldary jáne Yntymaqtastyq: qorytyndylar jáne bolashaq» atty konferensııamen ashyldy. Onda Qazaqstannyń TMD memleketterimen yntymaqtastyq baı­lanystarynyń jetistikteri, bo­lashaǵy jáne kún tártibindegi keleli máseleleri tilge tıek etil­di. Respýblıkamyzdyń Ult­tyq kúnin Qazaqstan Respýblı­kasynyń Reseı Federasııa­syn­daǵy elshisi Zaýytbek Turys­bekov ashty. Konferensııa ju­my­syna 200-den astam adam qa­tysty. Pikir almasý sátterinde Dostastyq elderinen kelgen ón­diris salasy­nyń mamandary, saý­da-ónerkásip palatalarynyń ókilderi, ǵyly­mı jáne kásip­ker­lik toptardyń músheleri erekshe belsendilik tanytty. Kon­ferensııa jumysyna Bash­­qurt­stan, Tatarstan, Ingýshetııa, Soltústik Osetııa – Alanııa, Iаkýtııa ólkeleriniń ókil­deri, sonymen birge Reseıdiń elimizben kórshiles ornalasqan 28 óńiriniń basshylary erekshe qyzyǵýshylyq tanytty. Reseı­diń «Sberbank», «Rosselhozbank», «Rosbank» sııaqty bankteri jáne «Standard & Poor’s» sııaqty halyqaralyq reıtıng agenttikteri de belsendi jumys atqardy. Basqosýlarda Qazaq­stan jáne Reseı memleketteri arasyndaǵy ekonomıkalyq damý máseleleri, TMD, Birtutas eko­no­mıkalyq keńistik jáne Keden odaǵy sheńberindegi memleket­aralyq jáne óńiraralyq baıla­nystardy damytýdyń jańa múm­kindikteri talqylandy. Sondaı-aq, Dostastyq memleketterindegi turǵyndardyń ómir sapasyn jaqsartý maqsatynda bilim men densaýlyq saqtaý salalarynyń atqaratyn róli jáne ony damy­týdyń joldary da jan-jaqty sóz boldy. Konferensııa Reseı jáne TMD memleketterinen kelgen kór­mege qatysýshylar úshin qa­zaq­standyq áriptesterimen saýda ekonomıkalyq baılanystardy ny­ǵaıtý úshin mol maǵlumattar berip, jańa múmkindikter ashty. Dostastyq mem­leketteriniń ma­man­dary Bi­rtutas ekon­omıkalyq ke­ńis­tik aıasynda taýar­­lardyń, qyz­met­ter­diń, kapıtal­dyń já­ne jumys kúshi­niń biryńǵaı rynogyn qurý jáne ony da­my­tý máseleleri jó­ninde pikirlerin or­ta­ǵa salyp, tájirıbe almasty. – Ulttyq kún aıasynda qazaqstandyq taýar bırjasynyń ókilderi TMD memleketaralyq kórmesine qatysýshylarmen saý­da-sattyq jumystaryn jasady. Bizdiń reseılik jáne belarýstik áriptesterimiz taýar bırjasyn­daǵy ozyq aqparattyq-kommý­nı­kasııalyq tehnologııamyzǵa erek­­she qyzyǵýshylyq tanytty, – deıdi Ekonomıkalyq damý jáne saýda mınıstrliginiń saýda komıtetiniń tóraǵasy Aıdar Qazybaev. TMD memleketteri arasyn­daǵy aqparattyq-marketıngtik or­talyq júıesin odan ári damytý sheń­berinde Qazaqstan Respýb­lı­kasy Ekonomıkalyq damý jáne saýda mınıstrliginiń saýda komıteti men Belarýs Respýb­lıka­synyń Syrtqy ister mınıstr­li­gi­niń marketıng jáne baǵa konıýn­k­­­týrasy jónindegi ulttyq orta­ly­ǵy arasynda memorandýmǵa qol qoıyldy. Memorandým sheń­berinde eki el kazimc.kz jáne export.by aqparattyq resýrstar portaldaryn ıntegrasııalaý ar­qyly ortaq júıe qurý jóninde kelisimge qol jetkizdi. Memleketaralyq kórme aıa­syn­da kelýshilerdiń erekshe na­zaryn aýdarǵan elimizdiń «Astana «EHRO-2017» ekspozısııalyq jobasy boldy. Bul eldik joba­nyń aqparattyq jádigerleri kór­meni tamashalaýshylardy beı-jaı qaldyrmady. 2017 jyly Astana qalasynda Halyqaralyq mamandandyrylǵan EHRO kór­me­sin ótkizý jónindegi Prezı­dentimizdiń bul jahandyq basta­masy TMD memleketaralyq kórmesine kelýshilerdiń nazaryn aıryqsha aýdardy. Bizdiń kórme qyzmetkerleri árbir kórmeni tamashalaýshylarǵa el tarıhy men dástúrinen syr shertetin eskertkishterdi tapsyrdy. Qonaq­tar «EHRO-2017» usynys-tilek­ter kitabyna» ózderiniń júre­k­jardy pikirlerin qaldyryp otyrdy. Kórme kúnderinde bul kitapqa júzden astam adam óz­deriniń Qazaqstanǵa degen ystyq yqylasy men shynaıy pikirlerin jazǵan eken. Reseı Federasııasy ekono­mıkalyq damý jáne saýda mınıstri Elvıra Nabıýllına óz qoltańbasynda «Qazaqstannyń jetistikterin pash etken kórmeni aralaý erekshe umytylmas áser qaldyrdy. Men qazaq­stan­dyq­tarǵa «EHRO-2017»-de jeńis tileımin!» dese, «Sizderge baı­qaýda shyn jeńis tileımin, el­derińiz gúldenip, damı bersin!», dep jazady Ýkraına má­denıet mınıstriniń oryn­basary Vıktorııa Lesnıchaıa. «Sálem, Astana! «EHRO-2017»-ge Qazaq­stan usy­nyp otyrǵan «Bolashaq ener­gııasy» degen taqyryp búkil adamzat úshin óte mańyzdy. Endeshe sizder bul baıqaýda jeńis­ke jetseńizder bizdiń bárimizdiń mereıimiz ústem bolmaq», deıdi Belarýs Respýblıkasynyń eko­nomıka mınıstri Elena Malınovskaıa. TMD-nyń 20 jyldyǵyna arnalǵan memleketaralyq kór­me sheńberinde júzden astam kásibı óner sheberleri men óner­pazdar Qazaqstan máde­nıeti men ónerin barlyq qyry­nan pash etti. Elimizge keńinen tanymal «Qulan­saz» án jáne bı folklorlyq-etnografııa­lyq ansambli, «Aq­je­leń», «Mu­rager» ansambl­deriniń, basqa da óner sheber­leriniń konserti qonaqtarǵa umy­­tylmas áser qaldyrdy. – Kez kelgen adamnyń TMD memleketterin aralap, jetistikterimen tanysýǵa múmkindikteri bola bermeıdi. Osy retten kelgende bul Memleketaralyq kórmeniń tanymdyq jáne taǵy­lymdyq paıdasy óte zor. Meni Qazaqstan pavılony, onyń ishinde «Astana «EHRO-2017» kór­mesi umytylmas áserge bóle­di, – dep bólisti óz pikirimin Tájikstan Respýblıkasyndaǵy «Atlas» AQ-tyń bas dırektory Málıka Shadımatova. Jaras SADÝAQASOV.