2011 jylǵy 1 maýsym, Astana, Úkimet úıi
Dúleı zilzalalar men avarııalar saldarynan fızıkalyq nemese moraldyq tozýynan jaramsyz bolǵan memlekettik múliktiń jekelegen túrleriniń buzylýyn jáne joıylýyn resimdeý qaǵıdasyn bekitý týraly
«Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 87-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Dúleı zilzalalar men avarııalar saldarynan fızıkalyq nemese moraldyq tozýynan jaramsyz bolǵan memlekettik múliktiń jekelegen túrleriniń buzylýyn jáne joıylýyn resimdeý qaǵıdasy bekitilsin.
2. Qazaqstan Respýblıkasy Qarjy mınıstrligi osy qaýlydan týyndaıtyn qajetti sharalardy qabyldasyn.
3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanyska engiziledi.
Qazaqstan Respýblıkasynyń Premer-Mınıstri K. MÁSIMOV.
Qazaqstan Respýblıkasy Úkimetiniń
2011 jylǵy 1 maýsymdaǵy №615 qaýlysymen bekitilgen
Dúleı zilzalalar men avarııalar saldarynan fızıkalyq nemese moraldyq tozýynan jaramsyz bolǵan memlekettik múliktiń jekelegen túrleriniń buzylýyn jáne joıylýyn resimdeý qaǵıdasy
1. Jalpy erejeler
1. Osy Dúleı zilzalalar men avarııalar saldarynan fızıkalyq nemese moraldyq tozýynan jaramsyz bolǵan memlekettik múliktiń jekelegen túrleriniń buzylýyn jáne joıylýyn resimdeý qaǵıdasy 1994 jylǵy 27 jeltoqsandaǵy Qazaqstan Respýblıkasynyń Azamattyq kodeksine jáne «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańyna sáıkes ázirlendi jáne dúleı zilzalalar men avarııalar saldarynan fızıkalyq nemese moraldyq tozýynan jaramsyz bolǵan memlekettik zańdy tulǵalarǵa bekitilip berilgen jáne negizgi qural-jabdyqtarǵa (aktıvterge) jatatyn memlekettik múliktiń jekelegen túrleriniń buzylýyn jáne joıylýyn resimdeý tártibin aıqyndaıdy.
Osy Qaǵıda Qarýly Kúshterdiń, basqa da áskerler men áskerı quralymdardyń memlekettik mekemeleriniń jedel basqarý quqyǵyndaǵy áskerı múlikke qoldanylmaıdy.
2. Eger dúleı zilzalalar men avarııalar saldarynan fızıkalyq nemese moraldyq tozýynan jaramsyz bolǵan múlikti qalpyna keltirý ekonomıkalyq orynsyz jáne/nemese múmkin emes bolsa, ol joıylýǵa jatady.
Osy Qaǵıda zattarǵa qoldanylady.
2. Buzylýdy jáne joıylýdy resimdeý tártibi
3. Dúleı zilzalalar men avarııalar saldarynan fızıkalyq nemese moraldyq tozýynan jaramsyz bolǵan memlekettik múliktiń jekelegen túrleriniń buzylýyn jáne joıylýyn resimdeýdi memlekettik zańdy tulǵa basshysynyń ne onyń mindetin atqaratyn tulǵanyń sheshimimen qurylatyn turaqty jumys isteıtin komıssııa (budan ári - Komıssııa) júzege asyrady.
4. Memlekettik kásiporynda qurylatyn Komıssııanyń quramyna mindetti túrde:
1) memlekettik kásiporynnyń bas ınjeneri nemese basshysynyń orynbasary (Komıssııanyń tóraǵasy);
2) bas býhgalter nemese onyń orynbasary;
3) múliktiń saqtalýyna jaýapkershilik júktelgen tulǵa engiziledi.
Memlekettik mekemelerde qurylatyn Komıssııanyń quramyna mindetti túrde:
1) memlekettik mekeme basshysynyń orynbasary, al jaýapty hatshy (apparat basshysy) laýazymy engizilgen memlekettik mekemelerde – jaýapty hatshy (apparat basshysy) ne ýákilettik berilgen laýazymdy adam (Komıssııanyń tóraǵasy);
2) bas býhgalter nemese onyń orynbasary (shtat kestesi boıynsha bas býhgalter laýazymy bolmaǵan jaǵdaıda – býhgalterlik esep júrgizý júktelgen tulǵa);
3) múliktiń saqtalýyna jaýapkershilik júktelgen tulǵa engiziledi.
Memlekettik zańdy tulǵa basshysynyń ne onyń mindetin atqaratyn tulǵanyń sheshimine sáıkes múliktiń jekelegen túrleriniń buzylýyn jáne joıylýyn resimdeý kezinde Komıssııa quramyna tıisti mamandar (sarapshylar) engizilýi múmkin.
5. Komıssııa joıylýǵa jatatyn múlikti tikeleı tekserip qaraýdy júrgizedi, bul rette tehnıkalyq qujattamany, býhgalterlik eseptiń derekterin qoldanady jáne:
1) onyń qaıta qalpyna keltirýge jáne odan ári qoldanýǵa jaramsyzdyǵyn anyqtaıdy;
2) osy Qaǵıdanyń 2-tarmaǵynda kórsetilgen buzylýynyń sebepterin aıqyndaıdy;
3) onyń jekelegen bólshekterin, túıinderin, materıaldaryn qoldaný múmkindigin anyqtaıdy jáne olarǵa baǵalaý júrgizedi.
6. Paıdalanýǵa bolatyn barlyq bólshekter, toraptar, qosalqy bólshekter, materıaldar jáne ózge materıaldyq qundylyqtar (budan ári - materıaldar) úsh topqa jatady:
1) birinshi top – yqtımal paıdalanylýynyń baǵasy boıynsha býhgalterlik eseptiń tıisti shottarynda kiriske alynatyn, tikeleı maqsaty boıynsha odan ári qoldanýǵa jaramdy materıaldar;
2) ekinshi top – qaıtalama shıkizat retinde (qara, tústi jáne asyl metaldar synyqtary, kónergen materıal, otyn jáne basqa shıkizat) kiriske alynatyn, tikeleı maqsaty boıynsha odan ári qoldanýǵa jaramsyz materıaldar;
3) úshinshi top – odan ári qoldanýǵa jaramsyz jáne joıylýǵa jatatyn materıaldar.
7. Joıylýǵa jatatyn múlikti tekserip qaraý qorytyndysy boıynsha Komıssııa úsh jumys kúni ishinde múlikti memlekettik zańdy tulǵanyń balansynan shyǵarýǵa negiz bolatyn hattama (budan ári – hattama) jasaıdy.
8. Esepten shyǵarý aktileri bekitilgenge deıin joıylýǵa jatatyn múlikti ajyratý men bólshekteýge ruqsat etilmeıdi.
9. Eger esepten shyǵarylǵan múlikti derbes joıý múmkin bolmasa, memlekettik zańdy tulǵalar joıý úshin Qazaqstan Respýblıkasynyń memlekettik satyp alý zańnamasynda belgilengen tártippen jeke jáne zańdy tulǵalardy tartady.
10. Ortalyq memlekettik organdar, onyń ishinde olardyń vedomstvolary bolyp tabylatyn memlekettik mekemelerdiń múlkin esepten shyǵarý olardyń sheshimi boıynsha, aýmaqtyq memlekettik organdar bolatyn memlekettik organdardyń múlkin – olardyń joǵary turǵan memlekettik organdarymen kelisim boıynsha júzege asyrylady.
Qazaqstan Respýblıkasynyń sheteldegi mekemeleriniń múlkin esepten shyǵarý Qazaqstan Respýblıkasy Syrtqy ister mınıstrliginiń sheshimi boıynsha júzege asyrylady.
11. Respýblıkalyq bıýdjet esebinen ustalatyn jáne memlekettik organdar bolyp tabylmaıtyn memlekettik mekemelerdiń múlkin esepten shyǵarý olardy basqarýdy júzege asyratyn tıisti salanyń ýákiletti organdarymen kelisim boıynsha júrgiziledi.
12. Jergilikti bıýdjetter esebinen ustalatyn memlekettik mekemelerdiń múlkin esepten shyǵarý tıisti jergilikti atqarýshy organdarmen kelisim boıynsha júrgiziledi.
13. Memlekettik kásiporyndardyń múlkin esepten shyǵarý olardy basqarýdy júzege asyratyn tıisti salanyń ýákiletti organdarymen (tıisti jergilikti atqarýshy organdarmen) kelisim boıynsha júzege asyrylady.
14. Memlekettik zańdy tulǵalardyń múlkin esepten shyǵarý aktileri jáne býhgalterlik esep pen qarjylyq eseptilik salasyndaǵy qyzmetti retteýdi júzege asyratyn ortalyq memlekettik organ bekitken nysandarǵa sáıkes úsh danada jasalady.
15. Komıssııa úsh danada jasaǵan memlekettik zańdy tulǵalardyń múlkin esepten shyǵarý aktileri kúntizbelik jeti kún ishinde osy Qaǵıdanyń 10, 11, 12 jáne 13-tarmaqtaryna sáıkes mynadaı qujattarmen qosa kelisýge jiberiledi:
1) Komıssııa hattamasy;
2) avarııa jaǵdaıynda – tıisti laýazymdy adam jasaǵan jáne bekitken oqıǵa aktisiniń nemese oqıǵa bolǵan jerdi qaraý hattamasynyń kóshirmesi;
3) dúleı zilzala jaǵdaıynda – tabıǵı jáne tehnogendik sıpattaǵy tótenshe jaǵdaılardyń týyndaýyna ákelip soqqan avarııalardyń, zilzalalardyń, apattardyń sebepterin tekserý aktisiniń kóshirmesi.
Kelisý merzimi on jumys kúnin quraıdy.
16. Memlekettik zańdy tulǵanyń múlkin esepten shyǵarý aktileri kelisilgen jaǵdaıda tıisti organnyń mórimen bekitilgen basshynyń ne onyń mindetin atqaratyn adamnyń qoly, al jaýapty hatshy (apparat basshysy) laýazymy engizilgen memlekettik mekemelerde – jaýapty hatshynyń (apparat basshysynyń), ne ýákilettik berilgen laýazymdy adamnyń qoly qoıylady.
Osy Qaǵıdanyń 15-tarmaǵynda kórsetilgen qujattardyń bir danasy tıisti kelisýshi organda qalady, qalǵan ekeýi – memlekettik zańdy tulǵaǵa jiberiledi.
17. Kelisýden bas tartylǵan jaǵdaıda múlikti esepten shyǵarýdan bas tartý negizdemesi bar qujattar paketi memlekettik zańdy tulǵaǵa qaıtarylady.
18. Memlekettik zańdy tulǵalardyń múlkin esepten shyǵarý aktilerin memlekettik zańdy tulǵalardyń basshysy ne onyń mindetin atqaratyn tulǵa bekitedi.
3. Qorytyndy erejeler
19. Múliktiń jekelegen túrleriniń buzylýy men joıylýyn resimdeýdiń qoldanystaǵy tártibi buzylǵan jaǵdaıda buǵan kináli tulǵalar Qazaqstan Respýblıkasynyń zańnamasynda belgilengen jaýapkershilikte bolady.
20. Osy Qaǵıdada rettelmegen máseleler Qazaqstan Respýblıkasynyń qoldanystaǵy zańnamasyna sáıkes sheshiledi.