«Bolashaqqa» úmitkerler irikteý ashyq jaǵdaıda júrgizildi

Keshe Bilim jáne ǵylym mınıstrliginde «Bolashaq» baǵdar­la­masyna úmitkerlerdi irikteý boı­ynsha Táýelsiz saraptama ko­mıs­sııasynyń ashyq otyrysy ót­­ti. Ashyq otyrys bolatyn sebebi, ol buqaralyq aqparat qura­l­da­ry ókilderiniń qatysýymen jarııaly túrde ótti. – Buqaralyq aqparat qural­da­ry ókilderiniń qatysýymen «Bo­la­shaqqa» úmitkerlerdi ashyq jaǵ­daıda irikteý úderisi osy baǵ­dar­lama bastalǵan jyldary bolyp edi. Sonan keıin otyrystar ja­byq jaǵdaıda ótkizilip júrdi. Bu­ǵan negizgi sebep, Elbasynyń sheshimine sáıkes jylyna keminde 3 myń jasty «Bolashaq» baǵdarla­masy boıynsha shetelderge oqýǵa jibergen kezimizde úmitkerler sa­nynyń kóp artýynan týyndaǵan edi. Jylyna bir kezeńniń ishinde 4 myń úmitkerge deıin synaqtan ótip júrdi. Sol tusta irikteý úderisi aýyrlaǵannan keıin ashyq jaǵdaıda otyrystar ótkizý birte-birte shektelip qaldy. Endi osy dástúrdi qaıta jańǵyrtqaly otyr­myz. Munan keıingi irikteý úde­risteriniń barlyǵy BAQ ókil­de­riniń qatysýymen ashyq jaǵdaıda júrgiziledi. Árıne, BAQ ókilde­riniń qatysýy synaqtan ótkizý úderisine kedergi keltirmeýi de kerek. Bul jaǵyn da oılastyratyn bolamyz, – dedi jýrnalısterge ber­gen qysqasha suhbatynda Ha­lyqaralyq baǵdarlamalar orta­ly­ǵynyń basshysy Saıasat Nurbek. Saıasat Nurbektiń aıtýynsha, bıylǵy jyly elimizde 2,5 myń­nan astam úmitker «Bolashaq» baǵ­darlamasy boıynsha shetelderde oqýǵa ynta tanytqan eken. By­laısha aıtqanda, bir orynǵa tórt adam talasyp otyr. Úmitker sa­nynyń azaıýyna «bakalavrıatqa» oqytý satysynyń jabylýy áser etken. Baǵdarlama boıynsha endi tek magıstrlikke jáne dokto­ran­týraǵa oqıtyndar men taǵy­lym­dama boıynsha ázirlikten ótetin­der jibiriletin bolady. Bıylǵy jyly úmitkerlerdi irikteý úderisiniń qalaı júrgi­ziletindigi jáne onyń tártibi týraly Bilim jáne ǵylym mınıstrligi Strategııalyq josparlaý jáne aqparattyq tehnologııalar departamenti dırektorynyń or­yn­basary Aqerke Abylaıhan aı­typ berdi. – Táýelsiz saraptama komıs­sııasynyń quramy memlekettik or­gandardyń, iri ulttyq kompa­nııa­lardyń, joǵary oqý oryn­da­ry­nyń, ǵylymı-zertteý ınstı­týt­ta­rynyń jáne «Halyqaralyq baǵ­darlamalar ortalyǵy» AQ-tyń ókilderinen, mamandan­dy­ryl­ǵan sarapshylardan jáne úmit­kerdiń shet tilin bilý deń­geıin aıqyn­daı­tyn sheteldik uıymdar ókilde­ri­nen jasaqtalyp otyr. Komıssııa jumysyn jetildirý, biliktiligin arttyrý maqsatynda onyń quramy aıtalyqtaı ulǵaı­tyldy. Oǵan mınıstrlikter men vedomstvolardyń, halyqaralyq bilim agenttik­te­ri­niń, Qazaqstan­daǵy sheteldik elshi­likterdiń ókil­deri engizildi, – dedi ol óz sózinde. Munan keıin BAQ ókilderi úmitkerlerdi irikteý júrip jatqan bólmege kirip, synaqtan ótkizý úderisimen kózbe-kóz tanysty. Komıssııa aldynda bolyp shyqqan úmitkerlerdi óz qalaýlary boı­ynsha áńgimege tartyp, olardyń pikirlerin bildi. Solardyń birin biz de sózge tartqan edik. – Meniń aty-jónim – Ken­je­ǵul Sosıaluly. Men zaǵıp jan­myn. Biraq soǵan qaramastan ómir­den óz ornymdy alýǵa talpy­nyp, sabaqty jaqsy oqydym. Almaty qalasyndaǵy zaǵıptar mektebin, sonan keıin Ál-Farabı atyndaǵy Qazaq ulttyq ýnı­ver­sı­tetiniń tarıh fakýltetin bitirdim. Endi «Bolashaq» baǵdarla­ma­synyń negizinde AQSh-taǵy Indıana ýnıversıtetinde magıstr­lik bilim almaq oıym bar. Osy­nyń aldynda tildik jáne psıho­logııalyq testti jaqsy tapsyryp, jańa ǵana Táýelsiz saraptama ko­mıssııasynyń aldynda áńgime­le­sý­den óttim. Kóptegen suraqtarǵa jaýap berýge týra keldi. Sú­rin­begen sekildimin. Biraq qorytyn­dysy ázir maǵan belgisiz. Ol 10 tamyzdan keıin belgili bolady, – dedi ol. Kenjeǵul qazaq, orys, aǵyl­shyn tilderinde saırap tur eken. Biz onyń talaby men bilimine, eń bastysy, erligine súısinip, ishteı sáttilik tiledik. Biraq kóńilimizde turǵan «shet elge jalǵyz óziń baryp oqymaqsyń ba, seniń den­saýlyq jaǵdaıyńa aýyrlyq bol­maı ma» degen suraqty da amal­syz bolsyn qoıyp qaldyq. – Iá, jalǵyz ózim baryp oqı­myn. Biraq men ol jaqta jalǵyz bolmaımyn. Ol jaqta dostarym bar. Eń bastysy, arqamnan súıep turǵan elim bar ǵoı. Jańa sizdiń suraǵyńyzdy menen komıssııa músheleri de surady. Men sonda aǵaılar men apaılarǵa Indıana ýnıversıtetin nege tańdap otyr­ǵandyǵymdy aıtyp berdim. Bul ýnıversıtette jáne damyǵan el­derdiń basqa da birqatar joǵary oqý oryndarynda biz sekildi mú­gedek adamdardyń oqýyna qolaı­ly jaǵdaı jasalǵan. Arnaýly baǵ­darlama boıynsha oqytady. Bárin aıta berse kóp ángime. Eń bastysy, bul jerde bizdiń eli­miz­diń zańdary men sekildi jastarǵa «Bolashaq» baǵdarlamasy arqyly oqýǵa múmkindik beredi, – dedi ol. Sonymen «Bolashaq» baǵdar­la­masy boıynsha úmitkerlerdi irik­teý máselesi endi BAQ ókil­deriniń qatysýymen ashyq jaǵ­daıda ótetin boldy. Ýaqyt ótken saıyn alǵa basyp, ár júrekte úmit otyn laýlatqan elimizde bul jańalyqtyń da ózindik mańyzy az emes dep esepteımiz. «Bolashaq» baǵdarlamasy shynaıy da ashyq júrgizilgen jaǵdaıda ǵana naǵyz bolashaqqa aınalatyndyǵyna senim zor. Iske sát, deımiz endeshe. Suńǵat ÁLIPBAI.