«Qaraótkel» jármeńkesiniń jaqsylyǵy kóp

30-31 shildede Astanadaǵy «Metro» saýda ortalyǵynyń aýmaǵynda Aýyl sha­rýashylyǵy mınıstrligi, Astana qalas­y­nyń ákimdigi jáne «QazAgro» ulttyq basqarýshy holdıngi» AQ-tyń resmı qol­daýymen besinshi ret elimizdiń agro­óner­kásiptik jetistikteriniń «Qaraót­kel- 2011» respýblıkalyq jármeńkesi bolyp ótti. Dástúrge saı respýblıkanyń barlyq aımaqtarynan kelgen kásipkerler men sharýa qojalyqtary elorda turǵyndary men qonaqtaryna óz taýarlaryn usyndy. Malmen kózin ashqan qazaq úshin munda jınalǵan jurtshylyqty alǵashqy kezekte qyzyqtyrǵany, árıne, tórt túliktiń túr­leri edi. Elimizdiń barlyq aımaqta­ry­nan derlik ákelingen asyl tuqymdy maldar túri óte kóp boldy. Astana irgesindegi Qosshy aýylynan oryn tepken «Asyl túlik» AQ bazasynda ósirilgen múıizdi iri qaralar men Semeıdiń «Gúl-Raıhan» sharýa qojalyǵynan kelgen shopan ata tólderi qaraǵan jannyń qyzyǵýshylyǵyn týdyrmaı qoımaıdy. Sondaı-aq, asyl tuqymdy etti baǵyttaǵy jylqylar da jármeńkege kelgenderdiń nazaryn ózde­ri­ne aýdara berdi. Munan ózge úı qus­ta­ry­nyń bir toby da jármeńke sóresinen oryn alypty. Aty aıtyp turǵandaı, aýylsharýa­shy­lyq jármeńkesi bolǵan soń munda ón­diriletin ónim túrleri de nazardan tys qalmaıtyndyǵy belgili. Bul rette Jam­byl oblysy, Jambyl aýdany, Grodekovo aýylynan at aryltyp kelgen jeke kásipker Erkinbek Toqqulovtyń usynǵan sút ónimderinen jasalǵan taǵamdaryn aıt­qan jón. Kásipker jeti adamdy ju­myspen qamtysa, ortasha jalaqy 20 myń teńgeni quraıdy eken. Oblysqa baǵyt­talǵan ónimderi qazirgi kúnderi tutyný­shy­lar tarapynan jyly baǵalar alyp jatqanǵa uqsaıdy. Aýyldyq jerde tu­ryp, turǵyndardy jumyspen qamtýda jumys jasap jatqan kásipkerge alǵystan basqa aıtar joq. Al Taraz qalasyndaǵy «Dánegúl» JShS sút ónimderi, so­nyń ishinde, qoıý­lan­ǵan sút ónim­de­ri­m­en aınalyssa, ká­­siporynda otyz­dan astam adam ju­mys­pen qamtylǵan. Taý­arlarynyń jyl­dyq aınalymy 59 mln. teńgeni quraıdy. Dıqandyqpen aı­nalysatyn aýyl halqy úshin aýadaı qajet tehnıkanyń kóptegen túri de osynda kórinis tap­qan. «Agromash Hol­dıng» AQ usynǵan atalmysh tehnıkalar sharýa­shy­lyq­tyń barlyq túrine qyzmet etýge daıar tur. Álemniń bi­r­qatar elderimen ár­iptestik baı­la­nys ornatqan kom­pa­nııa­nyń qyzmeti qa­shan­da halyqqa áz­ir ekeni jármeńkeni aralaǵanda anyq baıqaldy. Sonymen qatar, Atyraý oblysynan kelgen «Amangeldi» óndiristik kooperatıvi ónimderiniń barlyq jaǵynan halyqqa yńǵaılap ja­sal­ǵany da eshkimdi beı-jaı qaldyrmady. «Qaraótkel-2011» jármeńkesi aıasynda II Halyqaralyq «KazMeat&Milk-2011» mal sharýashylyǵy forýmy ótse, Aýyl sharýashylyǵy mınıstrligi ókilderi men táýelsiz sarapshylar tarapynan úzdik aý­ylsharýashylyq taýar óndirýshileri anyq­taldy. Jármeńkege qatysýshylardyń úz­dikteri uıymdastyrý alqasynyń atynan «Qaraótkel-2011» altyn medalimen mara­pattaldy. Osylaısha jármeńke sarap­shy­lar men agrokásiporyndardyń tájirıbe al­masýlaryna múmkindikter berip, aýyl­sha­rýashylyq ónimderiniń básekelestikke qabilettiligin arttyrýǵa, sondaı-aq, ónim óndirýshiler men saýda jelileriniń iskerlik baılanystaryn ornatýǵa ózindik serpin berdi. Ábdirahman  QYDYRBEK, Sýretterdi túsirgen Aǵybaı AIаPBERGENOV.