Las-Vegastaǵy jeńis

Sharshy alańda taǵy da Beıbit Shúmenov. Aldynda ǵana kók­órim shaǵynda, Olımpıada oıyn­darynyń jeńimpazy bolǵannan keıin kásipqoı boksqa aýysyp ketken aǵylshyndyq Amır Han óz qarsylasyn tas-talqan etken. Endigi kezek Shymkenttegi bel­gili mesenat, kásipker Ámir­han­nyń balasy Beıbitte. Nevada shtaty. Ataqty Las-Vegastyń ha­lyqaralyq sport arenasynyń tórine tigilgen sharshy alań. Eki júıe boıynsha álem chempıony Beıbit Shúmenov WBA altyn bel­digine kózin satqan Dennı Santıago judyryqtaspaq. Den­­nı­diń álem chempıonynyń altyn beldigin taǵynýdy armandap júr­geni búgin emes. Qar­sy­las­taryn qoǵadaı japyryp aq­tyq synǵa úsh ret shyqty. Birinde Antonıo Tarver meselin qaı­tardy. Ekinshisinde Djo Er­deı­den ońbaı jeńildi. Qalaı degende de Beıbitten 11 jyl buryn kóılek toz­dyrǵan Santıago bul joly shı­ry­ǵyp kelipti. “Shúmenovten góri men táji­rıbelimin. Álem chempıony bolý­ǵa daıyndyǵym jaqsy. Eger bul joly jolym ońǵarylmasa, qol­ǵabymdy shegege ilemin”. Kókjal Santıago solaı depti. Qońyraý soǵylysymen Den­nı bas-kózge qaramaı alǵa um­tyldy. Tyń kezinde sha­rýa­ny yńǵaıyna keltirmek nıette. Beıbit shegine aıqas saldy. Áıtse de qazaq boks­shysynyń jyldam­dy­ǵy, al­ymdylyǵy anyq baıqalyp turdy. “Saýt-Poınt” qonaq úıi­niń túndigi soqqylardyń lebinen jelpildeıdi. Ekinshi raýnd. Úshinshi raýnd. Tórtinshi raýnd. Qos qo­lyn eki jaǵyna jastyq qy­lyp alyp, alǵa umtylǵan Den­nıdiń mań­da­ıy qazaq uly­nyń shoıyn ju­dy­ryǵynan tasqa tıgendeı bolsa da qaı­tar emes. Onyń da soq­qy­lary aragidik bolsa da ótip júr. Besinshi raýndtyń so­ńy­na taman Beıbittiń urǵan soqqysyn sol jaǵyna qısaıa bere ótkizip jibergen Dennı oń qolyn shirene sermedi. Bizdiń ulan sál shalqaı­yń­qyrap ketti. Osynyń ózi Beıbittiń yza­sy­na qatty tıdi bilem. Endi ol Den­nıdi tyqsyra bastady. Shar­shy alańda 31 ret jeńis toıyn toılap, sonyń 19-ynda qarsy­lasyn nokaýtqa jyqqan, tek 5 ret qana jeńilistiń dámin tatqan ame­rı­kalyq jigittiń jeńisten kúder úze bastaǵandyǵy jana­ry­nan sezilip qalǵan. Qos kózdiń asty soqqylardan búırekteı bul­tııa­dy. Senimsizdik bar. Toǵyzynshy raýndtyń 44-shi se­­kýndynda Beıbit arystandaı aı­­bat shaqyryp, Dennıdi kerme arqaǵa qýyp kelip qamady. Kún­deı kúrkiregen qazaq jigiti shoq­par judyryqty jańbyrdaı jaý­dyr­dy. Dennıdiń basyna qara bult úı­irildi, naızaǵaı oınady. Qor­ǵa­lar jeri joq. Basyn tyq­qan qos qoly da kómektese al­ma­dy. Endi keshikse edenge es-tússiz ońbaı qu­la­ryn sezgen referı ushyp kelip or­taǵa kılikti. Den­nı álsiz qar­sy­lyq bildirdi. Teh­nıkalyq nokaýt. Ámirhan kókemizdi quttyq­ta­dyq. “Qalaı bolar eken dep jú­regim aýzyma tyǵylǵan. Joq, me­niń ulym myqty eken. Halqy­nyń namysyn bermedi”. Qahar­lan­sa jan shydatpaıtyn jigit aǵasy uly rıngke shyqqanda degbirsizdenip ketedi. San ret baı­qaǵanbyz. Ásilinde, analardyń júregi názik bolady dep jatady. Áı, qaı­dam. Batyr ul týǵan analar­dyń ózi batyr. Sıdneıde Muh­tarhan tóbesimen kók tiregen Rýbalkabamen jekpe-jekke shyq­qan­da qaǵylezdeý ákesi kózin súr­tip, úıde otyra almaı qora aına­lyp ketipti. Al anasy bolsa mal­das quryp otyryp alyp, qos qolyn kezek-kezek sermep: “Ur, Muhtarhan, ur!” dep ekranǵa kirip kete jazdaǵan deıdi. Bolǵan oqıǵa. Muhtarhannyń aǵasy Erhan aıtqan. Sol sııaqty Beıbittiń anasy Sáýle ápkemiz­diń de uly sharshy alańǵa shyq­qan­da bosaǵan sátin kórmeppiz. Uly­na qatty senetin bolýy kerek. Beıbitti inisi Shyńǵys bolyp quttyqtap jatqanda sharshy alań­ǵa WBC júıesi boıynsha álemniń eks-chempıony Jan Paskal qarǵyp shyqty. Quttyqtap turyp kúsh synasýǵa shaqyrdy. О́ziniń týyp-ósken Kanadasyna. Beıbit óziniń qazaqstandyq ekenin aıtyp, eki jaqqa da ortaq Las-Vegasta ótkizýdi usyndy. – Búkil qazaq halqy bolyp tileýimdi tilep otyrǵanyn bilemin. Sondyqtan da jeńilýge haqym joq edi. Amerıkanyń tórinde qazaq baıraǵynyń jelbiregenin dúnıe júzi kórdi. Ultymnyń bir keregine jaraǵanymdy maqta­nysh kóremin, – depti batyr ul áke­simen telefon arqyly tildeskende. Bárekeldi! Baqtııar TAIJAN.