Birlesken qadamdar oń baǵalandy

Keshe Syrtqy ister mınıstri Erjan Qazyhanov AQSh-tyń Aýǵanstan jáne Pákstan jónindegi jańadan taǵaıyndalǵan arnaıy ókili Mark Grossmanmen kezdesti. Kezdesýde eki el arasyndaǵy yntymaqtastyqty tereńdetýdiń oryndalý barysy áńgime boldy. Sondaı-aq taraptar óńirlik qaý­­ip­­sizdik pen Aýǵanstandaǵy jaǵ­daıdy turaqtandyrýdaǵy birlese áreket etýdiń jaıyna nazar aý­dardy. Bul máselede Qazaq­stan­nyń úlesi zor. Mundaı qadamdar AQSh tarapynan oń baǵalanady jáne birlese áreket etý  óte ma­ńyz­dy is bolyp tabylady. Osy­ǵan baılanysty Grossman Syrt­qy ister mınıstri E.Qazyhanovqa ózi­niń alǵysyn jetkizdi. So­ny­men qa­tar, kezdesýde aldaǵy aılarda ótetin kezdesýler ba­ry­sy da sóz boldy. Onyń ishinde BUU Bas Assam­bleıa­synda jáne Ys­tam­bul­da qarasha aıynda ótetin is-sharalar sheńbe­rin­degi kezdesýler bar. Oǵan Aý­ǵan­stannyń eń jaqyn kórshi­le­ri­men birge, AQSh pen Qa­zaqstan da qatysady. Sol kezdesýlerde ter­ror­shyldyqpen kúres já­ne Aý­ǵan­standy turaq­tan­dyrý má­seleleri jan-jaqty tal­qylanbaqshy. Kezdesýden keıin amerıkalyq dıplomat buqaralyq aqparat qu­raldary ókilderimen brıfıng ót­kiz­di. Basty suraq jaqynda AQSh-ta jarııalanǵan terror­shyl­dyqqa beıim elderdiń tiziminde Qazaq­stan­nyń da bolýyna qatysty qoı­yldy. Ol osy máselege túsinik bergen AQSh elshiliginiń málim­de­mesin qoldaıtyndyǵyn bildire kelip, Qazaqstan men AQSh terror­shyldyqpen kúres júrgizip kele jatqan elder ekendigin erekshe atap ótti. Sondyqtan da Qazaq­stan terror qaýpi týatyn elder sanatyna jatpaıdy. Al AQSh-ta jasalǵan tizimniń naqty elderge emes,  jekelegen azamat­tarǵa qa­tys­ty tizilýi múmkin, dedi Grossman. Eń bastysy, Vashıngton eli­mizdiń ter­rorshyldyqpen kúresti qol­daý­yn baǵalaıdy jáne ma­ńyzdy dep esepteıdi. Asqar TURAPBAIULY.