Jańa kásiporyndardan jaqsylyq mol

Údemeli ındýstrııalyq-ınnovasııalyq damý baǵ­darlamasy, «Jumyspen qamtý-2020», «Bız­nestiń jol kartasy-2020», sondaı-aq basqa da asa mańyzdy memlekettik baǵdar­lama­lar men jobalar «Nur Otan» HDP-nyń basty nazaryn­da turǵan máseleler. Osyǵan oraı, partııa Tór­aǵa­sy­nyń birinshi orynbasary Nur­lan Nyǵmatýlın Aqmola obly­sy­na ja­sa­ǵan jumys sapary bary­synda  «Bıznestiń jol kartasy-2020» baǵ­dar­lamasy boıynsha is­ke asyry­lyp jatqan birqatar nysandardy aralady. Aqmola oblysynda osy baǵ­dar­lamanyń arqasynda óndiris qýatyn jyl saıyn eselep kele jatqan 20-dan astam kásiporyn ju­mys isteýde. Memlekettiń qol­daýy­na ıe bol­ǵan kásiporyndar óziniń materıal­dyq-tehnıkalyq bazasyn jańar­typ, jańa ónimder óndirýdi qolǵa aldy. Osyndaı kásiporyndardyń biri – «Tynys» zaýyty. Kásiporyn órt sóndirý quraldaryn, gazdyq tuıyqtaý armatýrasyn, gaz jáne sý qubyr­la­ryn salýǵa arnalǵan ár­túr­li dıametr­lik polıetılen qubyrlar shyǵarady. Zaýyt ónim­deri qazaqstandyq ry­nok­pen qatar, alys jáne jaqyn shetelderge de jiberiledi. Sonda-aq, atalǵan zaýyt 560-1000 mm. dıametrdegi polıe­tı­len qubyrlar shyǵarý jónindegi jobany iske asyrýdy josparlap otyr. Oǵan «Bıznestiń jol kar­ta­sy-2020» baǵdarlamasy bastamashy bolǵan. «Men «Bıznestiń jol kartasy» baǵdarlamasy týraly jıi estımin. Bizdiń kásiporynda osy baǵdar­la­manyń is júzinde qalaısha jumys istep jatqanyn kórdim. Baǵdar­lamanyń arqasynda bizdiń zaýyt jaı ǵana jumys istep qoımaı, sondaı-aq, biz de óz biliktiligimizdi arttyryp jatyrmyz. Adamdardyń jumys oryndary bar. Otbasy­lary­myzdyń amandyǵy da osydan. Bul bizdiń Prezıdentimizdiń qara­paıym azamattarǵa degen qam­qor­lyǵy dep bilemin», – dep atap ótti kásiporyn jumysshysy Vladımır Kýlıas. Bul ıgiliktiń jalǵasy retinde kúzde Kókshetaý qalasynda jańa kásiporyn – zamanaýı dıirmen keshenin ashý josparlanyp otyr. «Bıznestiń jol kartasy-2020» baǵdarlamasy boıynsha bólingen 60 mln.teńgege qazirdiń ózinde qa­jet­ti jańa qural-jabdyqtar alynyp, óndiris ońalyp keledi. «Bizdiń oblysymyz elimizdiń basty sarqylmas qorynyń biri bolyp tabylady. Sondyqtan dıirmen kesheni sııaqty óndiris oshaǵy óńir úshin asa qajet. Al «Bıznestiń jol kartasy-2020» baǵdarlamasy osyǵan qol jetkizýge múmkindik berdi. Kásiporynnyń arqasynda adamdar jumys oryndarymen, al oblysymyz sapaly unmen qamta­masyz etiledi», – dedi «Ramadan Pro» JShS dırektory Ádilhan Ernazarov. Atalmysh baǵdarlama boıynsha damyp kele jatqan nysandardy aralap, olardyń tynys-tirshi­ligimen tanysqan partııa Tóraǵa­synyń birinshi orynbasary onyń mańyzdylyǵy men qajettiligine toqtalyp ótti. «Elbasymyz, «Nur Otan» partııasynyń Tóraǵasy Nur­sultan Ábishuly Nazarbaevtyń tikeleı tapsyrmasy boıynsha qa­byl­danǵan «Bıznestiń jol kar­tasy-2020» baǵdarlamasy qazirdiń ózinde naqty nátıjelerin berip jatyr. Mysaly, búgingi kúni osy baǵdarlama boıynsha  176 mıllıard teńgeni quraıtyn 480 asa mańyzdy joba memlekettik qol­daý­ǵa ıe boldy. Osy baǵdarlamanyń arqasynda elimizdiń júzdegen kásiporyndary odan ári damýyna múmkindik alyp, al myńdaǵan otan­dastarymyz jańa jumys oryn­darymen qamtamasyz etildi. Bul joba árbir qazaqstandyq otba­sy­nyń bolashaǵyna tikeleı baı­la­nysty bolǵandyqtan, «Nur Otan» HDP osy mańyzdy baǵdar­lamany iske asyrýdy óziniń erekshe ba­qy­laýyna alyp otyr», dedi N.Ny­ǵ­matýlın. «Egemen-aqparat».