Jyl basynan beri kópbalaly otbasylar men «Altyn alqa», «Kúmis alqa» ıelerine tıesili memlekettik járdemaqy 875,2 myń otbasyna berilip, jalpy somasy 56,5 mlrd teńge mólsherinde qarajat jumsaldy.
Kópbalaly otbasylar járdemaqysy 627,4 myń otbasyna (49,2 mlrd teńge) berilse, marapattalǵan anaǵa beriletin járdemaqymen 247,8 myń adam qamtylyp, buǵan 7,3 mlrd teńge aýdaryldy.
Kópbalaly otbasyna beriletin memlekettik járdemaqy alýdan 4 nemese odan da kóp balasy bar, olardyń arasynda 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
Kópbalaly otbasylarǵa tólenetin járdemaqy mólsheri balalar sanyna baılanysty saralanady, bıylǵy mólsheri mynadaı: 4 balasy bar otbasylarǵa – 16,03 AEK (69 330 teńge) tólenedi. 5 balaly anaǵa aı saıyn 20,04 AEK (86 673 teńge) aýdarylady. О́mirge alty bala ákelip, «Kúmis alqa» alǵan analarǵa 24,05 AEK (104 017 teńge) beriledi. Jeti bala týǵan «Altyn alqa» ıegerine 121 360 teńge tólenedi. Segiz baladan kóp perzenti bar analarǵa aı saıynǵy beriletin járdemaqy mólsheri bala sanyna qaraı belgilenedi, ár balaǵa 17 300 teńge beriledi.
Nagradtalǵan anaǵa beriletin járdemaqy «Altyn alqa», «Kúmis alqa» alǵan nemese buryn «Batyr ana» ataǵyn alǵan, I, II dárejeli «Ana dańqy» ordenderimen marapattalǵan analarǵa taǵaıyndalady. Buǵan qosa «Kúmis alqa» alǵan analarǵa – 6,40 AEK (27 680 teńge), «Altyn alqamen» marapattalǵan nemese buryn «Batyr ana» ataǵyn alǵan, I, II dárejeli «Ana dańqy» ordenderimen nagradtalǵan analarǵa 7,40 AEK (32 005 teńge) beriledi.
Bıyl 1 qańtardan bastap kópbalaly otbasylarǵa taǵaıyndalatyn memlekettik járdemaqylardyń mólsheri 10%-ǵa artty.