Boıko búldirdi

Sheneýnikterdiń paramen us­talýyna qostanaılyqtar asa tań­qalmaıtyn boldy. Bul kóri­nis­ke jurttyń eti ólip bara jatqandaı ma qalaı. Osydan az ǵana ýaqyt buryn oblys ákimi apparatynyń jetekshisi A.Tverdohlebovtyń asa iri kólemdegi paramen ustalǵan­dy­ǵy respýblıkaǵa belgili bolyp edi. Biraq qostanaılyq sheneý­nik­terdiń paradan aıaǵyn tartar túri kórinbeıdi. Olaı deıtinimiz, Qostanaı qalalyq máslıhatynyń depýta­ty, qalalyq múgedekter qoǵa­my­­nyń tóraǵasy Sergeı Boıko óziniń ústinen qylmystyq is qoz­ǵat­paý­ǵa zańsyz sheshim shyǵa­ryp berý úshin oblystyń qarjy polı­sııasy qyzmetkerine bir mıllıon teńge para usynyp, sonyń jar­tysyn berip jatqan ústinde us­taldy. Sot­tyń sanksııasymen ol tutqyn­daldy. Qostanaı qalalyq №2 sotyn­da jýrnalısterge túsindirgenin­deı, Ser­geı Boıko laýazym ıesine iri kólemde para bergeni úshin aıyp­tal­ǵan. Endi Qylmystyq kodekstiń 312-baby 4-bóliminiń «B» tarmaǵy ony 7 jyldan 12 jylǵa deıin bas bostandyǵynan aıyryp, múlkin tárkileýdi kózdeıdi. Sergeı Boıko qalalyq múge­dekter qoǵamyn on bir jyl boıy basqardy. Osy jyldarda memleket qazynasynan bólingen mıllıondar taǵdyrdyń jazýymen múm­­kin­shiligi shekteýli jandarǵa jetti me, álde tóraǵanyń qalta­sy­na burylyp ketti me, ony qar­jy polısııasy men tıisti oryn­dar­dyń tekserýi qosymsha anyq­taı ja­tady. Jergilikti aqparat kóz­derinen belgili bolǵanyndaı, mú­ge­dekterge arnalǵan taksı jó­nin­degi máseleniń basy ashylýǵa ja­qyn. Ǵarip jandarǵa arnap qyz­mettiń bul túrine ýaqyty­synda memleketten qarjy bó­lin­gen, biraq onyń rahatyn mú­ge­dek jandar kórmegenge uqsaı­dy. Bul bir ǵana mysal. Al erikti qoǵam­nyń 1800-den asa múshesi bar. Ádette, memleket bólgen az ǵana járdem aqshanyń betine qara­ǵan ǵarip jandardyń nesibesin eki aıaq, eki qoly saý ári memleket senim artqan Boıkolar qaǵyp kete berse, qaıyrymdylyq degen sóz­den de qadir qasha ma, qaıtedi... Degenmen, «kóp asqanǵa bir tos­qan». Kóptiń nalasy jibermedi. Názıra JÁRIMBETOVA, Qostanaı.