Qazaq elinde búırek almastyrý júzege asa bastady

Sársenbi kúni elordadaǵy Respýblıkalyq jedel medısınalyq járdem ǵylymı ortalyǵynda qazaqstandyq dárigerlerdiń alǵash ret laparoskopııalyq tásilmen búırekti almastyrý boıynsha jasalǵan operasııalar qorytyndysy týraly baspasóz máslıhaty bolyp ótti. Ortalyq mamandary búırekti almastyrýdyń jańa ádisin Ońtús­tik Koreıanyń Anam gospıtaliniń ma­man­darymen tájirıbe almasý kezinde úırenipti. Áriptesterimen birlesip laparoskopııanyń kóme­gi­men 3 búırekti almastyrý operasııasy jasalypty. Dárigerlerdiń aıtýynsha, Qa­zaq elinde alǵash ret oryndalǵan ope­rasııanyń bir artyqshylyǵy ota kezinde jaraqat az bolyp, syrqat­tar­dyń ońalýy 2-3 kúnge qysqara­dy eken. Iаǵnı naýqas 2-3 kúnniń ishinde emin-erkin júrip-tura alady. Baspasóz máslıhaty barysyn­da Respýblıkalyq jedel medısı­na­lyq járdem ǵylymı ortalyǵy­nyń basqarma tóraǵasy Bolat Baı­ma­hanov elimizdegi sozylmaly búırek qyzmetiniń jetkiliksizdigi bar syr­qattardyń jaǵdaıymen ta­nystyra kele, mundaı opera­sııa­ǵa 1500 naý­qastyń muqtaj bo­lyp otyrǵan­dy­ǵyn tilge tıek etti. Onyń aıtýyn­sha, qazirgi tańda bir jyldyń ishinde elimizde 10-12 búırekti almas­tyrý operasııasy jasalady. Biraq bul kórsetkish naýqastardyń qajet­tilikterin to­lyq ótep jatyr deýge bolmaıdy. Sonymen qatar, ol mun­daı opera­sııanyń quny elimizde óte qymbat ekendigin de jasyrmady. «Aldaǵy ýaqytta jasalatyn opera­sııa­lar­dyń basym bóligi laparoskopııa kómegine júginetin bolady. Ota jasaý barysyndaǵy barlyq shy­ǵyn memleket qarjysymen atqa­ry­latyn bolsa, naýqastarǵa kó­mek tegin kórsetiledi. Ondaı jaǵ­daıda orta­lyq aptasyna 2 ota ja­saý­ǵa qabi­letti» dedi B.Baımahanov jýrnalıstermen júzdesý ústinde. Búgingi tańda Ulttyq medı­sı­nalyq holdıng Densaýlyq saqtaý mınıstrligimen birlesip, qazaq­stan­dyq­tar úshin joǵary maman­dan­dyryl­ǵan dárigerlik kómekke qol­je­timdilikti ba­rynsha arttyrý úshin jumystar jasap keledi. So­lar­dyń biri adam mú­shelerin al­mas­tyrý der edik. Orta­lyq ma­man­dardyń pikirleri boıynsha aldaǵy 5 jyldyń ishinde elimizde jyl saıyn jasaly­natyn mundaı ota jasaý kórsetkishi keminde eki ese ulǵaıý kerek. Bul mindetterdi oryn­daý­ úshin Ulttyq medısına­lyq hol­dıng­tiń mamanda­ry sheteldik áriptes­teriniń aldyń­ǵy qa­tar­ly tájirıbe­leri­men tany­syp, ony ózimizdiń otandyq medısına salasyna belsendi paıdala­nýǵa tal­­pynýda eken. Má­selen, búı­rek­ti almastyrýdyń jańa ádis­terin to­lyq ıgerý úshin ońtústik­koreıalyq mamandar qazaq­standyq otashy­lar­dy ózderiniń táji­rı­be­leri­men ta­ny­sý úshin óz elderine shaqy­ryp­ty. Ol memleket mundaı ota jasaýda álem elderiniń al­dyń­ǵy qata­rynan kórinip otyr­ǵa­ny belgili. Olardyń klını­ka­larynda jylyna 2 myń búırek jáne 1 myń baýyr al­mas­tyrý ope­rasııasy jasalatyn kó­ri­ne­di. О́tken jyly bul eldegi klı­nıkalardyń biri 208 ota jasap, Gınnestiń rekordtar kitabyna enipti. Mundaı kórsetkish bizdiń elde de bolady degen senimdemiz. Araı ÚIRENIShBEKQYZY.