Asyl tuqymdy maldarmen tolyqty

Asqar Mádıev jetekshilik etetin «Peterfeld-Agro» JShS eginshilikpen qatar mal sharýa­shy­lyǵymen de aınalysady. Qazir seriktestiktiń qarama­ǵynda 1000 qaraly qoı, 400-deı jylqy, 200-ge jýyq qazaqtyń aqbas sıyry bar. Endi ónim­diligi joǵary asyl tuqymdy reprodýktor sharýashylyq qurýǵa bel baılap otyr. Onyń alǵash­qy qadamdary qazirdiń ózinde jasala bastady. «Iri qara mal etiniń eksporttyq áleýetin da­my­tý» baǵdarlamasy aıasynda «So­ltústik» áleýmettik-kásip­kerlik korporasııasynan 227 mıllıon teńge jeńildikti nesıe alyp, jýyrda Germanııadan sımmental tuqymdy 386 bas sıyr men 14 buqa ákeldi. Tańdaý nege osy asyl tuqymdy malǵa tústi degen saýalymyzǵa ferma meń­ge­rýshisi Lıýbov Akst bylaı jaýap berdi. Sımmental sútti, etti iri qara mal tuqymy sana­lady. Myna sıyrlardy kórmeı­sizder me? Jelinderi jer syzyp tur. Dene turqylary iri. 550-700 kılo salmaq tartady. 800-850 kıloǵa deıin barady. Jy­lyna 7-10 myń lıtr sút beredi. Aýa raıyna tez beıimdelgish. Jergilikti jerge jersinip ketkenshe qolda baǵylyp, sosyn jaıylymǵa shyǵarylady. Kúzde tabyn tóldeı bastaıdy. Aldaǵy maqsat – qunarly jem-shóp qoryn jasaý. Ol jaǵy da tolyq sheshilgen. Mal semirtý alańynyń jaı-kúıimen tanysqan oblys ákimi Serik Bilálov jyl basynan beri respýblıkamyzdyń óńirleri men alys-jaqyn shetelderden tórt myń bas asyl tuqymdy iri qara jetkizilgenin, taıaý arada eki reprodýktor sharýashylyq qury­la­tynyn aıtty. Mal tasýmen aınalysatyn germanııalyq «Agroteh Impeks GmbH» kom­panııasy sharýashylyqtarmen tikeleı kelisim-shart jasap, jyl aıaǵyna deıin 1200 mal jetkizýdi mindettengen. – Osynaý ıgi isti aýdanda birinshi bolyp «Zenchenko ı K» komandıttik seriktestigi bastaǵan bolatyn. Bıyl jazda «SBI Agro-Tashkentka» JShS óz qarajatyna Avstrııadan 120 bas sımmental sıyryn jetkizdi. Kúzge salym «Soltústik» ÁKK-niń qarjylyq demeýimen Germanııadan taǵy 395 asyl tuqymdy mal ákeletin bolady. «Janbaı» sharýa qojalyǵynyń ta­byn­dary Shyǵys Qazaqstan obly­synan satyp alǵan  qazaqtyń aq bas sıyrlarymen tolyqty. «Sheglovo» sharýa qojalyǵy da múddelilik tanytyp otyr,–deıdi Qyzyljar aýdandyq aýyl sharýashylyǵy bólimi basty­ǵynyń mindetin atqarýshy Qaı­rat Esetov. О́mir ESQALI, Soltústik Qazaqstan oblysy, Qyzyljar aýdany.