Tıimdi jobalarǵa jol ashyq

Qazirgi tańda áleýmettik-kásipkerlik korporasııalar memleket-jekemenshik áriptestigi prınsıpteriniń negizinde aımaqtardy damytý men bıznesti qoldaýdyń yqpaldy quralyna aınalyp otyr. «Aqtóbe» ÁKK óz qyzmetin bastaǵannan bergi aralyqta oblysta 20 ınvestısııalyq joba qarjylandyryldy. Olardy júzege asyrýǵa áleýmettik-kásipkerlik korporasııa tarapynan 2,1 mlrd. teńge bólinip, óndiristi damy­týǵa jalpy kólemi 3,1 mlrd. teńge ınvestısııa salyn­dy. Bul týraly oblys ákimi Arhımed Muhambetovtiń tóraǵalyq etýimen ótken «Aqtóbe» ÁKK» aksıonerlik qoǵamyn damytý máselelerine baılanysty keńeste keńinen sóz boldy. Oblys ákimi baspasóz qyzmetiniń málimdeýinshe, keńeste «Qazhrom» kompanııasy» AQ, «Batys kalıı», «Aı Er Djı Qazaqstan», «Iýbıleınoe», «Keńdala Batys» basshylary oblys aýmaǵynda paıdaly qazba­lar­dy izdestirý men óndirý jobalarynyń júzege asyrylýy týraly habarlama jasaǵan. «Batys-Geologııa» JShS bas geology Iýrıı Tımofeev qazba baı­lyǵyn paıdalaný qyzmetindegi birlesken joba­larǵa toqtala kelip, oblys aýmaǵyndaǵy geologııalyq barlaý, jańa ken kózderin izdestirýde ózekti máselelerdiń bar ekenin jasyrmady. Sondaı-aq, keńeste údemeli ındýstrııalyq-ınno­va­sııalyq damýdyń memlekettik baǵdarlamasy aıasyn­da júzege asyrylyp, «Aqtóbe» ÁKK tusaýyn kesken jeti joba jaıy da aıtyldy. Onyń tórteýi ústimizdegi jyldyń alǵashqy jartysynda iske qosyldy. «Neftegazstroıızolıasııa» JAQ basqarmasynyń tóraǵasy Aleksandr Itkın metall qurylymdary, lıftilik sharýashylyq óndiristerine baılanysty jobalar­dy júzege asyrýdyń tıimdiligi týraly áńgimeledi, ma­gıstraldy qubyrlardyń qurylysta­ryn kúrdeli jón­deýge baılanysty kásip­oryn qurý jospar­larymen oı bólisti. «Aqtóbe» ÁKK» AQ-tyń tóraǵasy Serǵazy Esembaev burynǵy jún jýý fabrıkasy aýmaǵynda qurylǵan iri saýda-logıstıkalyq jáne óndiristik orta­lyqtyń jobasy týraly baıandady. Eýropa damý ban­kiniń ókili Sakalaýskas Daınıýs aqtóbelik kásipker­ler­diń belsendiligin jáne júzege asyrylatyn jobalardyń aýqymdy­lyǵyn aıryqsha atap ótti. Ol atalǵan banktiń qoqys óńdeıtin zaýyttyń qurylysyna, «Aqbulaq» jáne «Transenergo» AQ-tyń qubyr jelilerin qaıta ja­raqtandyrýǵa uzaq merzimge ınvestısııa­lyq baǵdarla­ma­ǵa qatysýǵa ázir ekendikterin jetkizdi. О́ńir basshysy qala jáne ÁKK basshylaryna atal­ǵan jobalardy, onyń ishinde qoqystardy óńdeýge baılanysty qazirgi zamanǵy zaýyt qurylysyn júzege asyrý úshin ózge elderdegi zaýyttardy zertteýge tap­syrma berdi. Ol barlyq jobalardy zerdelep, Qazaq­stannyń ındýstrııalyq kartasyna eń tańdaýlylaryn engizýge usynys jasaýdy surady. Satybaldy SÁÝIRBAI,    Aqtóbe oblysy.