Arnaıy poıyz Arqalyqqa keldi

Táýelsizdiktiń 20 jyldyǵyna oraı Astanadan shyqqan «Meniń Qazaqstanym» arnaıy poıyzyn keshe Arqalyq vokzalynda qala jurshylyǵy saltanatty jaǵdaı­da kútip aldy. Arqalyqqa atba­syn burǵan halyqty quttyqtaǵan qala ákimi Temirjan Tóleýbaev el egemendiginiń 20 jyldyǵymen tus­pa-tus kelgen shahardyń 55 jyldyq mereıtoıynyń qarsa­ńyn­daǵy «Nur Otan» HDP mu­ryndyq bolǵan ıgi bastamaǵa rızashyly­ǵyn bildirdi. Quramynda esimi elge belgili ánshi-sazgerler – Al­tynbek Qorazbaev, Nurǵalı Nú­sip­janov, Sembek Jumaǵalıev jáne áıgili «Gúlder» ansambli, Olımpıada chempıony Ermahan Ybyraıymov sekildi sport sań­laq­tary bar delegasııany jergilikti jurtshylyq asqan qonaq­jaılylyqpen qarsy aldy. Arnaıy sharadan soń «Meniń Qazaqstanym» arnaıy poıyzy­nyń «jolaýshylary» óz jumys­taryn bastap ketti. Vokzal ǵıma­ra­tynda áýeli Densaýlyq saqtaý mınıstrliginiń ókili Ernar Myr­za­qulov turǵyndarmen jolyǵyp, olardyń talap-tilekteri men den­saýlyǵyna qatysty ózge de suraq­taryna jaýaptar berdi. Arqalyq qalasyna qaraıtyn aýyldyq okrýgterden de keńes alýǵa kelgen halyq qarasy mol boldy. Munan keıin «Nur Otan» HDP-nyń qalalyq fılıalyn­da­ǵy qabyldaýlar da qarapaıym ha­lyqtyń muń-muqtajdary men talap-tilekterine arnaldy. Munda­ǵy halyqtyń sanynda da esep bolmady. Túrli máselelermen kezek kútken jurtshylyqqa partııa­nyń ortalyq apparatynan kelgen ókilder ózderiniń tushymdy keńes­terin berip otyrdy. Táýelsizdiktiń 20 jyldyq mereıtoıyna deıin Arqalyqta atqarylǵan jáne atqarylýǵa tıis jumystar kóńil qýantady. Má­selen, sońǵy bes jylda bes turǵyn úı kesheni paıdalanýǵa berilse, jýyrda merziminen buryn jańa toǵyz qabatty, elý tórt páterli turǵyn úı óz ıelerin tappaqshy. Olardyń ishinde bu­ryn­ǵy páter kezeginde turǵandar men jas mamandar bar eken. Keshkisin qala halqy ortalyq «Naýryz» alańynda «Meniń Qa­zaq­stanym» arnaıy poıyzymen jol­ǵa shyqqan elimizdiń estrada juldyzdarynyń konserttik baǵ­dar­lamasyn tamashalap, erekshe kóńil kúımen tarasty. Ábdirahman QYDYRBEK, Sýretti túsirgen  Vıtalıı SAIаPIN.