«Jergilikti nysandar men eldi mekenderge baǵyttalǵan «Týǵan jer» baǵdarlamasynan bólek, biz halyqtyń sanasyna odan da mańyzdyraq – jalpyulttyq qasıetti oryndar uǵymyn sińirýimiz kerek. Ol úshin «Qazaqstanyń qasıetti rýhanı qundylyqtary» jobasy kerek», degen bolatyn Elbasy óziniń «Egemen Qazaqstanda» jaryq kórgen «Bolashaqqa baǵdar: rýhanı jańǵyrý» atty maqalasynda. Osy jobany júzege asyrý maqsatynda, oblys ákimdigi men oblystyq sot jáne «Nur Otan» partııasy oblystyq fılıalynyń uıymdastyrýymen budan eki jyl buryn oblystyq sot ótkizgen «Bılerge taǵzym» velosherýi dástúrli túrde jalǵasyn taýyp, Ordabasy alańynan bastaldy. Buǵan oblystyq, aýdandyq sottardyń sýdıalary men oblys ákimdiginiń, «Nur Otan» partııasy oblystyq fılıalynyń basshylary jáne jergilikti máslıhat depýtattary men jastar, barlyǵy 120-dan astam adam qatysty. Ońtústik Qazaqstan oblystyq sotynyń tóraǵasy Nurserik Sháripov: «Bıylǵy sherý Memleket basshysynyń maqalasyndaǵy rýhanı jańǵyrýdy iske asyrýdyń naqty bir kórinisi ári «Máńgilik El» ıdeıasy aıasynda Uly Dalanyń tarıhyn, sonyń ishinde 1726 jyly qazaq balasynyń basyn biriktirgen Ordabasy taýyndaǵy tarıhı jıyndy nasıhattaıtyn mańyzdy is-shara ekeni anyq», dedi. Túske taıaý velosıpedshiler respýblıkalyq «Ulttyq tarıhı-mádenı qoryǵyndaǵy» márege jetip, olardy Ordabasy aýdanynyń basshylyǵy men aýyl turǵyndary saltanatty jaǵdaıda qarsy aldy. Odan ári Ordabasy taýyndaǵy «Birlik» monýmentinde jıyn ótip, E.Sadyr, A. Mamytbekov, N.Sháripov, О́. Meldehanov mańyzdy jobanyń Uly Dalanyń tarıhyn, sonyń ishinde budan 291 jyl buryn ótken Ordabasy taýyndaǵy tarıhı jıyndy nasıhattaýdaǵy mańyzdylyǵyna jáne jastardy otansúıgishtikke tárbıeleýdegi mánine aıryqsha toqtalyp ótti. Shara sońynda aýyldyń ımamy Aıdos Abylaıhanuly babalar rýhyna arnap Quran baǵyshtady. Qabyl DÚISENBI
Shymkent