Qazaqstandaǵy iri halyqaralyq ınvestor bolyp tabylatyn Eýropalyq qaıta qurý jáne damý banki (EQDB) «Samuryq-Energo» ulttyq energetıkalyq holdıngine jekeshelendirý jónindegi ambısııalyq baǵdarlamalaryn júzege asyrýǵa qoldaý kórsetpek. Atalmysh baǵdarlama holdıngti baqylaýshy «Samuryq-Qazyna» ál-aýqat qorynyń strategııasyna sáıkes júrgizilip otyr.
«Samuryq-Energo» basqarma tóraǵasy Almasadam Satqalıevtiń aıtýynsha, «EQDB-men nesıelik kelisimge qol qoıý «Samuryq-Energonyń» ınvestısııalyq tartymdylyǵyna oń áser etip, Qazaqstan Respýblıkasynyń energetıkalyq salasynyń damýyn qamtamasyz etedi. Osylaısha, atalmysh kompanııa elektroenergetıka salasynda EQDB-men uzaq merzimdi áriptestik ornatyp, ózara tıimdi qarym-qatynasty damyta túspek.
Sonymen EQDB «Samuryq-Energo» kompanııasyna 100 mln eýroǵa jýyq nesıeni teńgemen nemese Reseı rýblimen beredi. Nesıe kompanııanyń balanstyq aktıvterin ońtaılandyrýǵa jumsalady. «Samuryq-Energo» toǵyz enshiles kompanııasyn jekeshelendirýdi josparlap otyr. Alaıda holdıngtiń basty maqsaty halyqaralyq qor bırjasynda ashyq saýdaǵa shyǵýǵa daıyndalý.
О́z kezeginde EQDB «Samuryq-Energo» kompanııasyna áıelder men jastardy jumyspen qamtyp jáne mansapqa qol jetkizý josparyn júzege asyrýǵa qoldaý jasaıdy. Sol sııaqty energetıka salasyna arnaıy bilimi bar jastardy kóptep tartý da strategııanyń bir bóligi bolyp tabylady.
EQDB Reseı, Kavkaz elderinde jáne Ortalyq Azııada energetıka jáne tabıǵı resýrstar boıynsha dırektory Aıda Sydyqova: «Bank – Qazaqstandaǵy iri ınvestorlardyń biri. Biz Qazaqstan Úkimetimen ekonomıkadaǵy jeke salanyń rólin arttyrýǵa jumys isteýge múddelimiz. Banktiń baıyrǵy áriptesi «Samuryq-Energo» kompanııasymen bastalǵan joba osy baǵyttaǵy mańyzdy qadam. EQDB nesıesi ýnıversıtettermen áriptestik jaǵdaıda arnaıy energetıkalyq mamandyqtar boıynsha bilim alý múmkindikterin arttyrýǵa septigin tıgizedi», – dedi.
Sondaı-aq, «Samuryq-Energo» men EQDB Astana qalasynyń mańyndaǵy Ereımentaý jel elektr stansııasynyń qurylysy jáne Shardara sý elektr stansasyn jańartý sekildi qaıta jańǵyrtylatyn energııa kózderi salasynda eki kelisimge qol qoıǵan. Bul jumys EQDB jasyl ekonomıkaǵa ótý baǵdarlamasynyń sheńberinde júrip jatyr. Baǵdarlama Qazaqstannyń jasyl ekonomıkany damytý strategııasyna sáıkes kóptegen maqsatqa jetýdi kózdeıdi. Jańǵyrtylatyn energııa kózderi «Samuryq-Energo» kútip turǵan transformasııalaý josparynyń mańyzdy bóligi.
EQDB Qazaqstan ekonomıkasynyń túrli salalaryna 7,1 mlrd eýrodan asa (7,6 mlrd AQSh dollary) ınvestısııa saldy. Banktiń Qazaqstandaǵy qyzmeti klımattyń ózgerýi sekildi ǵalamdyq máselelerge tótep bere alatyn turaqty ári ınklıýzıvti ekonomıka qurýǵa baǵyttalǵan.
Aınash ESALI,
«Egemen Qazaqstan»