QR Investısııalar jáne damý mınıstrligi geologııa jáne jer qoınaýyn paıdalaný komıtetiniń tóraǵasy Bazarbaı Nurbaevtyń aıtýynsha, búginde elimizdegi qazba baılyqtarynyń qory jetkilikti. Degenmen, negizgi metaldar boıynsha geologııalyq zertteýdi 20-50 jyl buryn jasap qoıǵan jón, dep xabarlaıdy QazAqparat.
"Qazaqstannyń qazba baılyqtary taýsylyp keledi degen másele keıde kóterilip te jatady ǵoı. Biraq qazirgi kezde qorda turǵan paıdaly qazbalarymyz jetkilikti. Sol qorlar basymdy baǵyttar boıynsha bólinedi. Ol úshin arnaıy ındıkator bar. Sonyń ishinde eń basty paıdaly qazbalar dep, altyndy, kúmis pen tústi metaldardy qoıǵanbyz. О́ıtkeni elimizde osy metaldardy óndirip jatqan iri kásiporyndar bar. Mysaly, Jezqazǵanda úlken kombınat bar. Ony bári biledi. El bar, xalyq bar, úlken qala bar degen sııaqty. Onyń da óziniń qorlary taýsylyp kele jatyr. Sondyqtan da biz kóp jumystyń bárin osy Jezqazǵannyń aınalasynda qoıdyq. Zyrıan, Rýdnyı bar. Jalpy, monoqalalardyń aınalasynda kóbirek zertteý jumystaryn júrgizip jatyrmyz. Sebebi geologııa salasynda qordy 20-50 jylǵa aldyn ala josparlap otyrmasa, óte kesh bolady", - dedi B.Nurbaev Ortalyq kommýnıkasııalar qyzmetinde ótken baspasóz máslıxatynda.
Komıtettiń málimetine sáıkes, Táýelsizdik jyldary ishinde 119 munaı-gaz keni, 94 - altyn, 19 - marganes, 14 - mys, 16 temir jáne basqa da ken oryndary ashylyp, memlekettik balansqa qoıyldy.