Iran prezıdenti Hasan Rýhanı óziniń jańa aımaqtyq týrnesi aıasynda Armenııa, Qazaqstan jáne Qyrǵyzstanǵa keledi, dep habarlaıdy Pars Today.
«Iran prezıdenti Hasan Rýhanı kórshiles jáne aımaqtyq eldermen yntymaqtastyqty tereńdetip, baılanysty nyǵaıtýǵa baǵyttalǵan saıasatty jalǵastyrý barysynda sársenbi kúni 21 jeltoqsanda Armenııa prezıdentiniń arnaıy shaqyrtýymen Erevanǵa barady», - dedi jeksenbi kúni Memlekettik teleradıo jýrnalısterimen suhbatynda Iran IR prezıdent ákimshiligi, baılanys jáne aqparat bólimi basshysynyń orynbasary Parvız Ismaılı.
Sonymen birge, Parvız Ismaılı Rýhanıdiń Qazaqstan elordasy - Astanaǵa baratynyn, onda eki el prezıdentteriniń kelissózderinen bólek, joǵary laýazymdy delegasııalar otyrysy men yntymaqtastyq týraly qujattarǵa qol qoıý, Iran prezıdentiniń baspasóz konferensııasy bolatynyn atap ótti.