Túrik polıseıleri Reseıdiń Ankaradaǵy elshisi Andreı Karlovqa shabýyl jasaǵan adamdy joıdy. Bul týraly Túrkııanyń NTV telearnasy habarlady. Keı málimetter boıynsha, atys kezinde úsh adam zardap shekken.
Reseıdiń Syrtqy ister mınıstrligi Karlovqa oq atylǵanyn rastady. Budan buryn elshiniń aýrýhanaǵa áketilgeni habarlanǵan bolatyn. Qazirgi málimetter boıynsha dıplomatqa dárigerlik kómek oqıǵa ornynda kórsetilip jatyr.
Qastandyq Zamanaýı óner galereıasynda jasalǵan. Bul jerde «Reseı túrikterdiń kózimen» atty fotokórme ótip jatqan. Oqıǵaǵa kýá bolǵan adamdardyń sózine qaraǵanda, ǵımaratqa qarý ustaǵan áldebir adam kirip kelip, sózin endi sóılep bola bergen Andreı Karlovtyń arqa tusynan oq atqan.
Lenta.ru habary boıynsha, 62 jastaǵy Karlov Reseıdiń Túrkııadaǵy Tótenshe jáne ókiletti elshisi bolyp 2013 jyly taǵaıyndalǵan.