Ankarada qastandyq jasalǵan Reseı elshisi Andreı Karlov qaıtys boldy. Aqparatty Reseı Syrtqy ister mınıstrliginiń resmı ókili Marııa Zaharova rastady. Bul jóninde Reseıdiń lenta.ru ınternet-basylym habarlaıdy.
Zaharovanyń aıtýynsha, Máskeý atalǵan oqıǵany terrorlyq akt dep baǵalaıdy. «Reseı Federasııasy elshisiniń Túrkııada óltirilýi BUU Qaýipsizdik keńesi músheleriniń aldyna qoıylatyn bolady» dedi ol. Sonymen qatar ol Túrkııanyń reseılik dıplomatqa qastandyq uıymdastyrýshylardy jazalaýǵa ýáde bergenin aıtty.
Búgin Ankarada Zamanýı óner galereıasynda «Reseı túrikterdiń kózimen» atty fotokórmege qatysyp, sóz sóılep jatqan Reseı elshisi Andreı Karlovqa oq atylǵan bolatyn. Artynsha, qastandyq jasaǵan adamdy túrik polıseıleri atyp óltirgeni habarlandy.
Lenta.ru habary boıynsha, 62 jastaǵy Karlov Reseıdiń Túrkııadaǵy Tótenshe jáne ókiletti elshisi bolyp 2013 jyly taǵaıyndalǵan.
Foto AR