Tegin kásiptik bilimniń tetikteri

Ortalyq kommýnıkasııalar qyzmetinde kelesi jyldan bas­tap «Barshaǵa tegin kásiptik-tehnıkalyq bilim» jobasyn engizý boıyn­sha baspasóz máslıhaty ótti. Oǵan Bilim jáne ǵylym vıse-mınıstri Bıbigúl Asylova, «Atameken» ulttyq kásipkerler palatasy bıznes-kommýnıkasııalardy memlekettik tilde damytý departamentiniń dırektory Baýyrjan Orazǵalıev jáne basqalar qatysty. Brıfıngke qatysýshylar ná­tıjeli jumyspen qamtý jáne «Eń­bek» baǵdarlamasy aıasynda tegin kásiptik-tehnıkalyq bilimdi engizýdiń tetigi týraly  málimet berdi. Vıse-mınıstr Bıbigúl Asy­lovanyń aıtýynsha, atalǵan baǵyt boıynsha tehnıkalyq já­ne kásiptik bilimi bar mamandardy daıarlaý já­ne qysqa merzimdi kásiptik oqytý sharalary qa­ra­s­ty­rylǵan. Osynyń nátıjesinde 2017-2021 jyl­­dar aralyǵynda kásiptik daıarlaý men oqy­tý­men barlyǵy 671,5 myń adam qamtylady. – Birinshi qoldaý sharasy teh­nı­kalyq, aýyl­sha­­rýashylyq, tehno­logııalyq, servıs jáne qyzmet kór­setý salasyndaǵy mamandyqtar boıynsha ju­mys­shy kadrlaryn daıarlaýdy kózdeıdi. 2017 jyl men 2021 jyl arasynda daıarlaýmen 471,5 myń adam qamtylady. Onyń ishinde respýblıkalyq bıýd­jet qarajattary esebinen – jyl saıyn 106,5 myń adam, jergilikti bıýdjet esebinen jyl saıyn 365,0 myń adam  oqytyldy, – dedi ol. Sonymen birge onyń aıtýynsha, jańa baǵ­dar­­lama boıynsha 9-11 synyp túlekteri, az qam­tyl­ǵan otbasylardan shyqqan biliktiligi joq jas­­tar bilim alatyn bolady. Osy baǵdarlama sheń­berinde úmitkerlerdiń tizimin qalyptastyrýǵa já­ne izdestirýge yqpal etetin jergilikti bilim be­­­rý jáne jumyspen qamtý organdaryn, polı­sııa qyzmetterin tarta otyryp, árbir eldi me­­kende ákim­­dikter janyndaǵy mobıldi toptar qu­ry­la­tyn­ bo­lady. Ekinshi qoldaý sharasy dýaldy negizde 1-den 6 aıǵa deıin qysqa merzimdi kásiptik oqytýǵa ar­na­la­dy. Osy joba boıynsha jumyspen qamtý orta­lyqtary tikeleı áleýet­ti qatysýshylardyń qu­ra­myn qalyptastyrady jáne tizimderdi aýdandyq (qa­lalyq) komıssııalarǵa jiberedi. Oqytý kolledjderde, oqý orta­lyqtarynda, áskerı-tehnıkalyq mektepterde ótedi. Azamattar mem­lekettik qoldaýmen shákirtaqy tóleýmen qam­ta­masyz etiletin bolady jáne syrttan kelgen tul­ǵa­larǵa jol júrýge jáne turýǵa qosymsha tólem aqy qarastyrylǵan. Shalǵaı eldi mekenderde turatyn azamattar da mobıldi oqytý orta­lyqtarynda bilim alý ar­qyly tegin mamandyqty meńgere alady. Iske asyrý serpindi rejimde Aqmola, Aqtóbe, Shyǵys Qazaqstan, Mańǵystaý, Qostanaı oblystarynda júrgiziletin bolady. Brıfıngte «Atameken» ulttyq kásipkerler pa­­latasy bıznes-kommýnıkasııalardy mem­le­ket­­­tik tilde damytý departamentiniń dırek­to­ry B.Orazǵalıev jappaı kásipkerlik baǵ­dar­la­ma­­synyń ekinshi baǵyty aıasynda «Bıznes bas­taý» jobasy boıynsha kásipkerliktiń negizderi oqy­ty­latynyn aıtty. Kásipkerlikke oqytylǵan aza­mat­tardyń óz ju­mysyn ashýǵa múmkindigi bolady. Olar óz isin bastaý úshin  mıkrokredıt te ala ala­dy. Baǵdarlamany iske asyrǵan jaǵdaıda jumys­syz­dyq deńgeıi 4,8 paıyzǵa jáne  biliktiliksiz jumys kúshiniń úlesi 20 paıyzǵa tómendeıdi. Dastan KENJALIN, «Egemen Qazaqstan»