2017 jyldyń 1-shi qańtarynan bastap Qazaqstan shekarasyna ótý vızasy berilýiniń jańa tártibi óz kúshine enedi, dep habarlaıdy Strategy2050.kz agenttigi QR syrtqy ister mınıstri Erlan Ydyrysovqa silteme jasap.
Jańa tártipterdi qabyldaýdyń maqsaty kóshi-qon men vızalyq saıasat salasynda qazirgi zamanǵy halyqaralyq jaǵdaıdy eskere otyryp vızany berý tártibin ońtaılandyrý. Ulttyq zańnamadaǵy ózgertýler QR shekarasyna sheteldik azamattardyń ený tártibin jeńildetedi, dep habarlady SIM.
E.Ydyrysov jańashyldyqtar týraly sóz qozǵap, jańa tártipter sheteldik azamattardyń el ekarasyna kirý tártibin ashyq, jyldam jáne jeńil ete túsedi.
«Biz qarapaıym, túsinikti jáne yńǵaıly tártip ornatýǵa umtyldyq, azamattardyń qyzyǵýshylyqtaryn eskere otyryp, ózge sheteldik tájirıbeni de qoldanýǵa umtyldyq. Bul bizdiń azamattardyń ózge elderdiń turǵyndarymen yntmaqtastyqty damytyp, iskerlik turǵydan da damı túsýge múmkindik beretinine senimdimin», - dedi mınıstr.
Syrtqy ister mınıstrliginiń basty jańashyldyqtarynyń biri zańdy jáne jeke tulǵalardyń daıyndaıtyn vızalyq shaqyrtýlarynyń Syrtqy ister mınıstrligine berilýinde.
«Onyń nátıjesi shaqyrtýlardy daıyndaýdy jeńildete túsedi. Ol tek Astana men Almatyda ǵana emes, kóshi-qon polısııasy jumys isteıtin oblys ortalyqtarynda da júzege asady», - dedi E.Ydyrysov.